Tsb

Ssb

Gsb

Usb

Hl1

ptl

Rgu

Nps

बुटवल। रुपन्देहीको तिलोत्तमा नगरपालिकाले आफ्नो सेवासँग सम्बन्धित जनगुनासो तत्काल सम्बोधन गर्न र सेवा छिटो छरितो बनाउन आफ्नै टोल फ्री नम्बर १६६०७१ ५६६६६ संचालनमा ल्याएको छ । यस टोल फ्री नम्बरमा सेवाग्राहीले फोन गर्दा पैसा लाग्दैन । नि:शुल्क रुपमा प्रदान गरिएको यस सेवाले सेवाग्राहिमा आफ्नो कामको बारेमा बुझ्ने र अत्यावश्यक सेवा हरु लिन सहज बनाउने तिलोत्तमा नगरपालिकाका नगरप्रमुख बासुदेव घिमिरेले बताउनुभयो । शुक्रबारदेखि संचालित सेवाको बारेमा बोल्दै नगरप्रमुख घिमिरेले नगरपालिकामा दिइने सेवाका बिषयमा सम्बन्धित जनताको गुनासो तत्काल सम्बोधन गर्न र अत्यावश्यक सेवा जस्तै: दमकल, एम्बुलेन्स लगायतका सेवाका लागि टोल फ्रि नम्बर १६६०७१ ५६६६६ सेवाको शुभारम्भ गरिएको बताउनुभएको छ।टोल फ्री नम्बरले जनताको गुनासोलाई सम्बोधन गर्ने र त्यस सेवाले नगरको सम्पूर्ण क्षेत्रको विकासलाई व्यवस्थित, पारदर्शी र गतिशील बनाउन महत्वपूर्ण भूमिका निर्वाह गर्ने नगरप्रमुख घिमिरेले विश्वास व्यक्त गर्नुभएको छ। उहाले जनतालाई सोझै नगर सरकारसँग जोडने माध्यमको रूपमा पनि टोल फ्री नम्बर सेवा संचालनमा ल्याउनु परेको र यस क्षेत्रको विकासमा जनताको सहभागिता सुनिश्चित हुने विश्वास पनि व्यक्त गर्नुभयो। नगरपालिकाले टोल फ्री नम्बरमार्फत् जनताका आवश्यकता, गुनासो र मागलाई तत्काल सम्बोधन गर्ने तयारी गरेको हो ।नगरपालिकाले सो हटलाइन सेवा सञ्चालनका लागि चौबीसै घण्टा कार्यरत रहनेगरी कर्मचारी खटाएको छ । अहिले कोरोनाको त्रास विश्वभर भएको र यसबाट बच्न सबै जागरुक हुनुपर्ने भएकाले एम्बुलेन्स र हावाहुरीको महिना भएकाले आगलागी बाट हुने क्षतिलाइ कम गर्न दमकल सेवा २४ सै घण्टा उपलब्ध गराउने गरि निशुल्क टोल फ्री नम्बर राखिएको सुचना तथा प्रबिधि प्रमुख इन्जिनियर सुदिप ढकालले बताउनुभयो । अब नगरपालिकाको सेवा का लागि टोल फ्री नम्बर १६६०७१ ५६६६६ नम्बरमा निशुल्क फोन गर्न सकिनेछ ।