मोहन पौडेल शनिबार, बैशाख १३, २०७७

परासी। नवलपरासी (बर्दघाट–सुस्ता पश्चिम)को पाल्हीनन्दन गाउँपालिकामा करिब २०० विघामा कृषकले लगाएको तरकारीखेती नष्ट भएको छ ।केही दिनदेखि परेको हावाहुरीसहितको असिनापानीले कृषकले खेतबारीमा लगाएको घिरौँला, लौका, करेला, फर्सी, काँक्रो लगायतका लहरेबालीका साथै प्याज, खुर्सानी, धनिया, मुला, बन्दा लगायतका तरकारीमा क्षति पुगेको छ । लाखौँ मूल्यको तरकारीखेती एकैपटक नष्ट भएपछि कृषकहरु चिन्तामा परेका छन् ।पाल्हीनन्दन–५ मा मात्रै १०० विघामा र अन्य वडामा १०० विघा गरी २०० विघामा लगाईएको तरकारीखेती पूर्ण रुपमा क्षति भएको गाउँपालिकाका कृषि शाखा प्रमुख पशुपतिनाथ चौधरीले जानकारी दिनुभयो । फल्न लागेका र टिपेर विक्री गर्ने तयारीमा रहेको लहरे तरकारीबाली कामै नलाग्ने गरी नष्ट भएको कृषकहरुले बताएका छन् । आफ्नो वडामा करीब १०० विघामा कृषकहरुले लगाएको तरकारी पूर्ण रुपमा नष्ट भएको पाल्हीनन्दन–५ का महेन्द्र गुप्ताले बताउनुभयो ।असिनापानीले गर्दा आफूले छ कठ्ठामा लगाएको तरकारी नष्ट भएको पाल्हीनन्दन–३ परसियाका व्यवसायिक कृषक सुरेन्द्र केवटले गुनासो गर्नुभयो । पाल्हीनन्दन–१ चम्कीपुरका भागिरथी केवटले आफूले दश कठ्ठामा लगाएको घिरौँला, प्याज, लौका, मकै, भिन्डी, धनिया पूर्ण रुपमा क्षति भएको बताउनुभयो । गाउँमा सवैले लगाएको तरकारीबाली सखाप भएको उहाँले बताउनुभयो । गाउँपालिकाले क्षतिको सङ्कलन गरी क्षतिपूर्तिको व्यवस्था गर्नुपर्ने उहाँले माग गर्नुभयो ।सोही ठाउँकी कृषक सैदुन नेसाले आफूहरुले तरकारीखेतीबाटै जीविकोपार्जन गर्दै आएको तर असिनापानीले सवै सखाप पारेपछि चिन्तामा परेको बताउनुभयो । यहाँका अधिकांश कृषकहरुको आम्दानीको स्रोत नै तरकारीखेती हो । कृषकको लाखौँ मूल्यको तरकारीबाली नष्ट भएपछि गाउँपालिकाले स्थलगत अनुगमन गरेको छ । वडा कार्यालयमार्फत पीडित कृषकबाट क्षतिको यकिन विवरण सङ्कलन गरेर उचित राहतका लागि पहल गरिने गाउँपालिका अध्यक्ष वैजुप्रसाद गुप्ता(दीपक)ले बताउनुभयो ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,सुशीला (ओली)गिरी,जयप्रकाश पौडेल
सम्बाददाताहरु:टोपेन्द्र खनाल,इराधा झाक्री मगर,शिव बस्नेत,प्राविधिक: मिना थापा,सल्लाहकारहरु:बिपुल पोख्रेल,उदय जि.एम

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधापत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८४९८८७५१४
# इमेल :- [email protected]