ओमप्रकाश गुप्ता,दाङ मंगलबार, चैत्र ११, २०७६

नेपाल सरकारले जारी गरेको लकडाउनको उलंघनको भन्दै दाङका विभिन्न स्थानबाट प्रहरीले ३ सय ५० अोटा सवारी साधानलाई नियन्त्रणमा लिएको छ ।
विश्वव्यापी रुपमा फैलिएको कोरोना भाइरस (कोभिड–१९ ) को संक्रमण रोक्नका लागी लकडाउन उल्लंघन गर्ने ३ सय ५० सवारी साधनलाई पक्राउ गरिएको दाङ्ग जिल्ला प्रहरी प्रमुख जनक भट्टराईले जानकारी दिएका छन् ।
लकडाउनको पहिलो दिन जिल्लाका विभिन्न स्थानबाट प्रहरीले सवारीसाधन सँगै चालकलाई पनि नियन्त्रणमा लिएको हो । लकडाउन उल्लंघन गर्ने २ सय ७३ वटा मोटरसाइकल, ३६ वटा ट्रक, १३ वटा सानो गाडी, टिप्पर १० वटा, अटो १० वटा, ट्रेक्टर ७ वटा र एउटा बसलाई नियन्त्रणमा लिएको जिल्ला प्रहरी कार्यालय दाङका प्रहरी नायव उपरिक्षक तथा सुचना अधिकृत सुमित खड्काले बताए । पक्राउ परेका सवारी साधनले सरकारले गरेको लकडाउनमा अटेरी गरी चलेको पाईएकाले पक्राउ गरिएको प्रहरीले बताएको छ । सवैभन्दा धेरै तुलसीपुरमा पक्राउ परेका छन । इलाका प्रहरी कार्यालय तुलसीपुरले १ सय ८७ वटा सवारीसाधन पक्राउ गरेको छ ।
त्यस्तै जिल्ला प्रहरी कार्यालय दाङले २४ वटा, जिल्ला ट्राफिक प्रहरी कार्यालय दाङ्गले ३२ वटा, वडा प्रहरी कार्यालय लमहीले ४८ वटा, इलाका प्रहरी कार्यालय नारायणपुरले २१ वटा, वडा प्रहरी कार्यालय घोराहीले १८ वटा, इलाका प्रहरी कार्यालय भालुबाङले १२ वटा, प्रहरी चौकी दुईखोलीले ५ र कमिरेचौरले ३ वटा सवारीसाधन पक्राउ गरेको जिल्ला प्रहरी कार्यालय दाङले जनाएको छ । पक्राउ परेका सवारीसाधनका चालकहरुलाई पुन गल्ती दोय्राए कानुन बमोजिम कारवाही गर्ने चेतावनी सहित सम्झाई बुझाई गरि छाडिएको प्रहरीले जनाएको छ । जिल्लामा एम्बुलेन्स, पानी, फोहोर बोक्ने सवारीसाधन सञ्चालनसँगै औषधि, डेरी, खाद्यन्न लगायतका पसलहरु खुल्ला रहेका छन् ।

हाम्रो टिम

संचालक : मेगमन बुढा मगर
सम्पादक: कृष्णे घर्ती मगर
निर्देशक: भानु जोशी
जिल्ला ब्युरो: टेकबहादुर पुन
वरिष्ठ सम्बादाताहरु: शिवराज पन्थी,जयप्रकाश पौडेल
सम्बादाताहरु: शिवराज खनाल,टोपेन्द्र खनाल,श्रावण बस्नेत

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]