१३ भाद्र २०८३, शनिबार
Asbus
Rgp
Ggp
Ggp
Ksbus
Ksbus
Lnp
Sdc
Msbus
Sidha Patra शनिबार, भाद्र १३, २०८३
काठमाडौँ । बाढी पूर्वानुमान महाशाखाले शनिबार विभिन्न नदी तथा खोलामा पानीको बहाव बढेकाले आसपासका बासिन्दालाई उच्च सतर्कता अपनाउन आग्रह गरेको छ।
महाशाखाका अनुसार दिउँसो २:३५ बजे कपिलवस्तुको वनगङ्गा भगवानपुर जलमापन केन्द्रमा जलसतहले सतर्कता तह पार गरेको छ। वनगङ्गा खोला आसपास तथा डुबान भइरहने क्षेत्रका बासिन्दालाई विशेष सतर्कता अपनाउन आग्रह गरिएको हो।
त्यस्तै, दिउँसो २:३० बजे जारी सूचनामा कञ्चनपुर, बाँके, मोरङलगायत आसपासका क्षेत्रमा पछिल्लो तीन घण्टामा मध्यमदेखि भारी वर्षा भइरहेको जनाइएको छ। ती क्षेत्रमा थप वर्षाको सम्भावना रहेकाले लोहनदरा, डुडुवा खोला लगायत साना–ठूला खोलामा आकस्मिक बहाव बढ्न सक्ने महाशाखाले जनाएको छ।
सम्भावित बाढीको जोखिमलाई ध्यानमा राख्दै नदी तथा खोलाको तटीय क्षेत्रका बासिन्दालाई आवश्यक सतर्कता अपनाउन महाशाखाले अनुरोध गरेको छ।
