Gst

Bbu

Ssm

Ksm

nsb

Rsb

Asm

Ggd

Pvg

Wsp

Rgs

Hal

Bbbpu

Vor

Rgu

Sls

Sbs

Tsm

Rgu

Mks

Pls

Abd

Rpp

Jmb

Syp

sab

Bml

Jmb

bbt

Ptm

Gsb

Rmb

दाङ । देउखुरीको राजपुर गाँउपालिका कठबेरुवामा रहेको १ नम्बर वडा कार्यलयमा समाजिक सुरक्षा भत्ता बितरण कार्यमा चरम लापरबाही गरेको भन्दै भत्ता प्राप्तीका लागि आएका सेवाग्राहीहरुद्वारा वडा कार्यालयमा गरिएको तालाबन्दी ३ बुदे लिखित सम्झौता गरेपश्चात् खोलिएको छ।

त्यस्तै जनप्रतिनिधि र बैंककाे ज्यादाती विरुद्धकाे आन्दोलन गर्दै आएका सेवाग्राहीहरुले वडामा तालाबन्दी गरेका हुन् । वडा भित्र वडाका जनप्रतिनिधि,वडा सचिव,वडाका सहयोगीहरू र बैँकका कर्मचारीहरुलाई थुनेका थिए । सामाजिक सुरक्षा भत्ता समयमा दिन आनाकानी गरेको उनीहरुको आरोप छ ।

तिन-तिन महिनाको अवधिमा वितरण हुने भनिएता पनि ६ महिना बितिसक्दा पनि समाजिक सुरक्षा भत्ता नपाएको राजपुर १ कठबेरुवाका जेष्ठ नागरिक टिका केसीले बताइन । उनले हामी टाढा- टाढाबाट आउने जाने दुःख पाएका छौं। हामीलाई विहान १० बजे बोलाएर दिउँसो ३ बजे मात्र बैंकबाट कर्मचारी आएको र भत्ता बितरण कार्यलाई सुचारु गर्न नसकेकोले आफुहरु तालाबन्दी गर्न बाध्य भएको बताए ।

यसैबिच वडा कार्यालयमा लागेको ताला खुलाउने विषयमा वडा अध्यक्ष सुर्यप्रसाद चौधरीको अध्यक्षता बसेको बैठकमा राजपुर गाउँपालिका उपाध्यक्ष धनपतीदेवि यादव,राजपुर गाउँपालिकाका प्रमुख प्रशासकीय अधिकृत बिष्णुप्रसाद पान्डे,ग्लोवल आईएमइ बैंक प्रमुख प्रदिप गौतम,ईलाका प्रहरी कार्यालय प्रमुख रन्जु के.सी.पत्रकार टोपेन्द्र खनाल लगायत तालाबन्दी पक्षधर प्रतिनिधीको संयुक्तरुपमा बसेको बैठकबाट ३ बुदे लिखित सहमती कायम भएपष्चात ताला खोलिएको हो ।

सहमतीमा हालको भत्ता बितरण कार्य पौष १८ गते बिहान १० बजेदेखी बितरण गर्ने, खाता अपडेट नभएका सेवाग्राहीहरुले खाता अपडेट गर्ने दोस्रो सामाजिक सुरक्षा भत्ता त्रैमासिक सकिएको १५ दिनभित्र बितरण गर्ने भन्ने रहेको छ ।

त्यस्तै यस विषयमा राजपुर गाउँपालिका अध्यक्ष शरद कुमार बुढाथोकीसंग बुझ्दा अहिले राजपुर गाउँपालिकाले सामाजिक सुरक्षा भत्ता प्रत्येक वडा कार्यालय र अशक्त,बहुवृद्ध जेष्ठनागरिकलाई गाउँ,घारमै पुगेर भत्ता प्रदान गर्ने उदेश्यका साथ ग्लोबल आइएमई बैंकसंग समन्वय गरि अघि बढ्न लागेको हुँदा ढिलो भएको बताए । पहिलोपटक बैंक परिवर्तन गरि सेवा प्रदान गर्न लागेको हुँदा यसरी समस्या भएको र अबदेखि त्रैमासिक रुपमा सामाजिक सुरक्षा भत्ता दिने समेत अध्यक्ष बुढाथोकीले जानकारी दिए ।