Jmg

Rgs

Rms

mbd

tvs

apb

दाङ । नयाँ पाइला पुर्नस्थापना केन्द्र (सुधार गृह) दाङमा लागूपदार्थ दुर्ब्यशन उपचारार्थीहरुलाई शुभ दिपावलीको पावन अवसरमा दिदी-बहिनीको हातबाट टीका लगाउने कार्यक्रम सम्पन्न भएको छ ।

तुलसीपुर उपमहानगरपालिका वडा नम्बर १९ बिजौरी हाडिमेमा रहेको केन्द्रले आज भाइटीकाको अवसरमा उक्त केन्द्रमा उपचारार्थीहरुका लागि भाइ टीका लगाउने व्यवस्थापन मिलाइएको हो । सो केन्द्रका कार्यकारी प्रमुख सुरेश भुसालले उपचारार्थीहरुलाई केन्द्रको सुधार गृह भित्र भाइ टीकाको व्यवस्थापन मिलाइदिएको जानकारी दिनु भयो ।

त्यस्तै केन्द्रमा हाल ३७ जना उपचारार्थी रहेका छन् । उपचारार्थीहरुलाई नरमाइलो अनुभूति नहोस् भन्ने सोचका साथ केन्द्रमै भाइटीकाका लागि सम्पूर्ण व्यवस्था केन्द्रले गरेको प्रमुख भुसालले जानकारी दिनु भयो । केन्द्रमा रहेका दाजु-भाइ,दिदी बहिनीहरुले भाइ टीका,सेल रोटी,मिठाइ प्रदान गरेका थिए । केन्द्रले बडा दशै,भाइ टीका,नयाँ वर्षका अवसरमा उपचारार्थीहरुलाई टीका,मनोरञ्जनका कार्यक्रम गर्दै आएको छ । केन्द्रले हालसम्म एक हजार बढीलाई समाजमा उपचारपछि पुर्नस्थापना गरेको केन्द्रका प्रमुख भुसालले जानकारी दिनु भयो ।