दाङ । दाङ जिल्ला उद्योग वाणिज्य संघले राष्ट्र बैंकले व्याज बृद्धि गरेकोे विरोधमा आन्दोलन गर्ने भएको छ । संघको आज बसेको कार्य समितिको बैठकले यस्तो निर्णय गरेको हो ।
बैठकले कार्तिक १६ गतेदेखि चरणवद्ध रुपमा आन्दोलन गर्ने निर्णय गरेको संघका अध्यक्ष टंक सिंह बुढाथोकीले जानकारी दिनु भयो । राष्ट्र बैंकले ब्याज वृद्धि गरेपछि उद्योगी तथा व्यावसायीहरु मारमा परेको भन्दै संघले आन्दोलन गर्ने निर्णय भएको उहाँले बताउनुभयो ।
सरकारले उद्योगीलाई सहयोग गर्नु पर्ने अवस्थामा बैंकको ब्याज बृद्धि गर्दा यसले थप पिडा दिएको अध्यक्ष बुढाथोकीले बताउनु भयो । विभिन्न समस्याका भोग्दै आएका उद्योगी तथा व्यावसायीहरुलाई बैंकले व्याज बृद्धि गर्दा पलायन भइ रहेकोे संघका महासचिव महेन्द्र बुढाथोकीले जानकारी दिनु भएको छ ।
यस्तै अवस्था रहे थप पलायन हुने उहाँको भनाइ रहेको छ । बैठक संघका अध्यक्ष टंक सिंह बुढाथोकीको अध्यक्षतामा भएको थियो ।