Jmg

Rms

mbd

Rgs

apb

tvs

सिओल । दक्षिण कोरियामा अवैधानीक रुपमा बसेका कारण पक्राऊ परेका ८ नेपालीले जेल जीवन विताईरहेका छन् । कोरोना प्रकोपका कारण नेपाल सरकारले अन्तर्राष्ट्रिय उडानमा प्रतिबन्ध लगाएका कारण यहाँको सरकारले नेपाल डिपोर्ट गर्न नपाउँदा उनिहरुको जेल बँसाई लम्बिएको एनआरएनए कोरियाका अध्यक्ष यज्ञराज सुवेदीले जानकारी दिए ।
उनिहरुलाई पक्राउ गरे लगत्तै कोरोना प्रकोप सुरु भएका कारण डिपोर्ट गर्ने प्रक्रिया लम्बिएको यहाँको प्रहरीलाई उद्धृत गर्दै सुवेदीले बताए ।
कोरोना प्रकोप सुरु भएयता भने यहाँको सरकारले विना भिषा बसोवास गरिरहेकाहरुलाई गर्दै आएको धरपकड स्थगित गरेको जनाएको छ । अन्य देशहरुमा त्यहाँका सरकारले विदेशी नागरिकलाई आफ्नो देश फर्किन आग्रह गरिएका समाचारहरु आईरहँदा कोरियाले भने कोरोना प्रकोपमा यहाँ रहेका विदेशीलाई कोरियामै बस्न आग्रह गर्दै निशुल्क उपचार गर्दै आएको छ ।
त्यस्तै किम्पोमा कार्यरत एकजना नेपालीले शनिवार आत्महत्या गरेको एनआरएनए कोरियाले जनाएको छ । उनको शव नेपाल पठाउने विषयमा सरकारसँग पहल सुरु भएको संस्थाले जनाएको छ ।