Usb

Tsb

Hl1

Ssb

Gsb

ptl

Nps

Rgu

विश्व महामारीको रुपमा फैलिएको कोरोना भाइरसबाट बच्नका लागि भारतले लागु गरेको लकडाउनमा ४८ नेपाली फसेका छन । रोजगारको सिलसिलामा भारतको पानीपत्त हरियाणा गएका नेपालीहरु लक डाउन लागु भएपछी अलपत्र परेका छन । अलपत्र पर्ने सबै कपिलवस्तु जिल्लाबासी हुन।
तिन दिन देखी आफुहरुले खाना समेत नपाएको कपिलवस्तु शिवराज नगरपालिका वडा नं ८ विलरहवा घर भएका मुन्ना नेपालीले जानकारी दिनुभयो । उनीहरुले आफुहरुलाई यहांबाट उद्धार गर्न नेपाल सरकारसंग माग गरेका छन । उनिहरुले भारतका प्रहरी प्रशासनसंग पटक पटक प्रयास गरेपनी समन्वय गर्न नसकेको बताएका छन । २१ दिनको लामो लकडाउनले निकै नै कठिनाई भइरहेको उनीहरुले बताएका छन ।
उनीहरुले घर परिवारमा समेत सम्पर्क गर्न नपाएकोले पत्रकार मार्फत आफनो घर भएको शिवराज नगरपालिकालाई उद्धार गर्न आग्रह गरेका छन । शिवराज नगरपालिकाका नगर प्रमुख नेत्रराज अधिकारीले भारतमा फसेका नेपालीहरुको उद्धारको लागि जिल्ला प्रशासनमा जनकारी गराइएको बताए । भारतमा रहेको नेपाली दुतवासलाई समेत फसेका नेपालीलाई उद्धार गर्न अनुरोध गरेको बताउनु भयो । त्यस्तै शिवराज नगरपालिका वडा नं ९ का वडा अध्यक्ष चुर बहादुर खडका (जिवन) ले नेपालीहरुको उद्धारको लागि नगरपालिका मार्फत पहल गर्ने जानकारी दिनुभयो ।