सुशिला ओली/घोराही बिहिबार, बैशाख २३, २०७८

दाङ । शान्तिनगर गाउँपालिका वडा नम्बर १ की भविसरा घर्तीले करिव दुई बर्ष अगाडीवाट कृषि कर्ममा रमाउन थाल्नुभएको छ । उहाँले घोराही १७ ओखरामा भविश्य लक्ष्मी बहुउद्देश्य कृषि फर्म प्राली स्थापना गर्दे व्यावसायिक लोकल कुखुरा, बदिया भाले, फाइटर भाले, टर्की, बट्टाई पालन गर्न लाग्नुभएको हो ।

बार्षिक १५ हजार रुपैँया तिर्ने गरी पाँच कठ्ठा जमिन भाडामा लिएर व्यावसाय थाल्नुभएको हो । उहाँको फर्ममा अहिले साढे चार सय बट्टाई र तीन सय कुखुरा छन् । फर्म अण्डा, बच्चा तथा मासुका लागि बट्टाई रहेको जानकारी गराउनुभयो ।

उत्पादीत अण्डाहरु दैनिक रुपमा घोराही स्थित सहकारी बजार लगाएत डिपार्टमेन्ट स्टोरमा निर्यात गर्ने गरेको भएपनि हालभने अहिले कोरेना संक्रमणका कारण केहि प्रभावित भएको जानकारी गराउनुभयो । एउटा बट्टाईको अण्डालाई ६ रुपैँयाका दरले बिक्रि गर्दे आएको जानकारी गराउनुभयो ।

तर लकडाउनको समयमा भने केही समस्या भएको छ । आगामी दिनमा व्यावसायलाई बढावा दिदै लैजाने सोँच बनाएको उहाँको भनाई छ । उहाँका अनुसार सुरुमा करिव ६ लाख रुपैँयाको लगानीमा व्यावसाय सुरु गरिएको थियो । हाल बार्षिक रुपमा खर्च कटाएर तिन लाख बढी बचत हुने गरेको जानकारी गराउनुभयो । बटाईको मासु र अण्डाले स्वास्थ्यमा समेत फाईदा पुर्याउने हुँदा यसको बजारीकरण पनि राम्रो भएको उहाँ बताउनुहुन्छ ।

तर कोरोना संक्रमणबाट बच्नको लागि गरिएको लकडाउनका कारण व्यवसाय प्रभावित भएको छ । अण्डा र मासुका लागि बजारसम्म विक्रिवितरणका लागि लैजान असहज भएको घर्तीको भनाई ।

टीम

संचालक: मेगमन बुढा
संपादक:कृष्णे घर्ती
निर्देशक:भानु जोशी
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,जयप्रकाश पौडेल
सम्बाददाताहरु: शिवराज खनाल,टोपेन्द्र खनाल,श्रबण बस्नेत

सामाजिक संजाल

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]