mmsb

Jmg

mbd

Rms

nakb

Rgs

tvs

apb

दाङ । लकडाउन अवधिभर विवाह,वर्तवन्ध गर्दा अनिवार्य रुपमा आफ्नो वडा कार्यलय र जिल्ला प्रशासन कार्यालयको सिफरिस लिनु पर्ने भएको छ । यस्तै विवाह वर्तबन्ध गर्दा २५ जना भन्दा पढि व्यक्ति जम्मा हुन नपाउने भएका छन् ।

प्रमुख जिल्ला अधिकारी दीर्घनारायाण पौडेलका अनुसार विवाह गर्दा जन्ति जानको लागि दुलाहा पक्षले एउटा मात्रै गाडी प्रयोग गर्न पाउने र गाडीमा पाँच जना व्यक्ति मात्रै बस्न पाउने बताउनु भयो । विवाहा हुने घरमा दुलाहा र दुलही पक्षबाट २५ जना व्यक्ति मात्रै सहभागी हुन पाउने र त्यसको लागि वडा कार्यालयबाट सिफारिस लिएर ईलाका प्रशासन अथवा जिल्ला प्रशासन कार्यालयबाट अनुमति लिनु पर्ने जानकारी दिनु भयो ।

त्यस्तै यी नियमहरु पालना नगरेमा संक्रामक रोग ऐन २०२० अनुसार कारवाही गरिने पौडेलको भनाई छ । यस्तै सामाजिक कार्यको लागि पनि २५ जना भन्दा धेरै जम्मा भएर काम गर्न नपाईने पौडेलले बताउनु भएको छ ।