Hl1

Ssb

Gsb

Usb

Tsb

Rgu

Nps

ptl

कपिलवस्तु।अहिले तराईमा गँहु, मुसुरो, तोरी, केराउ, धनिया, लसुन स्याहार्ने समय हो । किसानहरु आफ्नो खेतमा पाकिसकेको बाली स्याहार्ने जुटेका छन । कोरोना भाइरस रोकथामका लागि नेपाल सरकारद्धारा लकडाउन लागू भएपछि घरमा बस्न बध्य भएका कपिलवस्तुका किसानहरु अहिले खेतमा देखीन थालेका छन । घर भन्दा बाहिर जना रोक लागेको अवास्थामा आफ्नो समयलाई अहिले खेतबारीमा दिएको पाइएको छ । किसानहरु एक मिटरको दुरी बनाएर आफनो खेतमा काम गरेको पाइन्छ ।किसानहरुले यो लकडाउनको समयलाई खेतामा काम गरेर सदुपयोग गरिरहेका छन् । खेती किसानीको समय बाहेक ज्याला मजदुरी गर्ने किसानहरु आहिले दैनिकी यतिबेला आफनो बालीनाली स्याहार्नमा बिताइ रहेका छन् ।
कपिलवस्तुको शिवराज नगरपालिका ३ खरेन्द्रपुरका निसार अह्मद अरुबेला गाउमा डुल्ने गरेको भन्दै लकडाउनमा आफनो खेतममा काम गरी विताएको बताउनु भयो । निसारले भने की “अरु बेला फुुर्सदमा हुदाँ साथीहरुसँग घुम्ने गरिन्थ्यो अहिले कोरोना भाइरसको त्रासले घरमै बस्ने र आफनो खेतमा काम गरेर विताएको छु ।”
त्यस्तै शिक्षा हासिल गर्न घरबहिरा गाँएका छोराछोरी लकडाउनमा घर आएकोले काम गर्न सजिलो भएको कपिलवस्तु चनईका प्रभु यादवले बताउनु भयो । छोराछोरीले यतिबेला घरपरिवारलाई सहयोग गर्नाका साथै आफूले जानेका घरेलु सीपको प्रयोग गरेर बितिरहेको भनाई रहेको छ ।
त्यस्तै भारतको बैगलोरमा शिक्षा हासिल गरिरहेका प्रकाश यादव भारतमा लकडाउन भएपनि दुई साता पहिले घर फार्किएका थिए । केही दिन क्वारेन्टाइनमा बसेका यादव अहिले घरको काममा सहयोग गरेको बताउनु भयो । अहिले गाउँघरमा खेती स्याहार्नै समय भएकाले यही काममा सहयोग गरेको छु । गाँउमा भीडभाड गरेर गफ लगाएर बस्नुभन्दा सुरक्षित भएर आफूले जानेको काम गरेर यो समयको विताएको यादवले बताउनु भयो ।
नेपाल सरकारले लागु गरेको लकडाउनको अहिले किसानहरुले आफनो खेतमा सदुपयोग गरीरहेका छन । लकडाउन लागू भएपछि अधिकांस व्यक्ती अहिले आफूले घरमा खेतबारीमा जानेको काम गरेर सदुपयोग गरिरहेका छन् ।
इलाका प्रशासन कार्यालय चन्द्रौटा कपिलवस्तुले खेतमा काम गर्ने किसानहरुलाई खेतमा काम गर्दा एक मिटरको दुरी बनाएर काम गर्न अनुरोध गरेको छ । गरी खेत जोत्नाका लागि टेक्टर, गँहु दाँई लगाउने थे्रसरलाई समेत चलाउन अनुमती दिएको इलाका प्रशासन कार्यालय चन्द्रौटा कपिलवस्तुका प्रमुख शंकर विष्टले जानकारी दिनु भयो । प्रशासनले किसानको मर्का बुझेर काम गर्न दिएकोमा किसानहरु प्रशासन प्रति प्रसन्न देखीएका छन । यसले गर्दा किसानहरुले लकडाउनको राम्रो सदुपयोग गरेको पाइन्छ ।