Rgs

Rms

mbd

Jmg

tvs

apb

दाङ । देउखुरीको राजपुर गाउँपालिका – ७ भैसाही नाका र खिड्की नाकामा गत चैत २२ गते आइतबार दिउँसो ३:०० बजेको समयमा भिमबहादुर खड्का त्यस्तै २९ गते सनिवार दिउँसो १:०० बजेको समयमा शसराम राना मगरको घरमा सामुदायिक वनबाट आएको आगोले घर गोठ पुरै जलाएर क्षती पुराएको थियो ।

त्यस्तै सो समाचार सामाजिक संजाल मार्फत प्रकाशन भएपछि,उक्त अग्नीपीडितको पीडा अनि समस्यालाई बुझेर लुम्बिनी प्रदेशसभा सदस्य इन्द्रजित थारु,नेपाल कम्युनिस्ट पार्टी नेकपा केन्द्र राजपुरका अध्यक्ष चक्रबहादुर खड्का (शिखर) राजपुर गाउँपालिका नम्बर ६ का वडा अध्यक्ष श्यामबहादुर रोका लगायतका टोलि खाद्यान्न र लत्ताकपडा बोकेर शुक्रबार राहत स्वरुप १६ कुन्ट्ल चामल एक कुन्ट्ल गहुँ भाडाकुडा र त्रिपाल बोकेर अग्नीपीडितको घरमा पुगेर संयुक्तरुपमा राहत वितरण गर्नु भएको छ ।

यसैगरी सो गाउँको गौरीशंकर मावि भैसाहीँनाकाका विद्यालय व्यवस्थापन समितिका अध्यक्ष पूर्ण रोकाले अग्निपिडितलाई राहात स्वरुप दश हजार नगद सहयोग प्रदान गर्नुभएको छ । शुक्रवार रोकाले भैसाहीँनाका र खिड्कीनाकाका दुई घर अग्नि पिडितलाई पाँच पाँच हजारको दरले राहात स्वरुप नगद दशहजार सहयोग प्रदान गर्नुभएको हो ।

त्यस्तै अग्नि पीडितको लागि अन्य विभिन्न संघ संस्थाका प्रमुख तथा कर्मचारीलाई मानवीय एक धर्म अनुसार पिडामा परेका पीडितलाई सक्दो सहयोग गर्न सांसद चौधरीले अनुरोध गर्नु भएको छ ।