Rms

mbd

Rgs

Jmg

apb

tvs

दाङ । मोटरसाईकल चोरी गरेको अभियोगमा प्रहरीले दुई जनालाई पक्राउ गरेको छ । पक्राउ पर्नेमा गढवा गाउँपालिका वडा नं. ६ का १९ बर्षिय ओसिम खान र सोही ठाउँका १८ बर्षिय बरुण कुमाल रहेका छन् ।

कपिलबस्तु जिल्ला शिबराज नगरपालिका वडा नं. ३ का ३० बर्षिय बिक्रम केसीको लु १८ प ९५०४ नं. को १५० सीसीको पल्सर मोटरसाईकल र राप्ती गाउँपालिका वडा नं. २ का गिरीराज भुसालको बा८३प ७६७५ नं. को १५० सीसीको पल्सर मोटरसाईकल चोरी भएको निवेदनको आधारमा खोजतलास गर्दै जाँदा उनीहरुलाई घोराही उपमहानगरपालिका वडा नं. १४ बसपार्कबाट मंगलबार दिउँसो २ बजे नियन्त्रणमा लिएको प्रहरीले बताएको छ । पक्राउ परेका व्यक्तिहरुको थप अनुसन्धान भई रहेको जिल्ला प्रहरी कार्यालय दाङका प्रहरी नायव उपरिक्षक मुकुन्द रिजालले जानकारी दिनु भयो ।