दाङ । नेपाली काङ्ग्रेस क्षेत्रिय सभापति भेषराज पाण्डेयले चुनावमा गरिएका प्रतिबद्धता अनुसार काम गर्न जनप्रतिनिधिलाई निर्देशन दिएका छन् ।

स्थानीयतहका जनप्रतिनिधिसंग जनता कार्यक्रम अन्तर्गत कार्यक्रमलाई सम्वाेधन गर्दै जनताका प्रत्येक्ष रुपमा सराेकार राख्ने सवाललाइ ध्यानमा राखेर काम गर्ने निर्देशन दिएका हुन् ।

दाङकाे राजपुर गाउँपालिकाका काङ्ग्रेसका जनप्रतिनिधि र स्थानियबासि प्रत्येक्ष गुनासाे र छलफल कार्यक्रम शनिवार राजपुरको दुलैयामा सम्पन्न भएको हो ।

कार्यक्रममा राजपुर गाउँपालिका अध्यक्ष शरद बुढाथाेकि,वडा नम्बर ४ का अध्यक्ष रामेश्वर यादव ,२ नम्बर वडाअध्यक्ष ओमप्रकाश यादवले राजपुर गाउँपालिकामा चुनावमा गरिएका प्रतिबद्धता अनुसार शिक्षा,स्वास्थ्य नि:शुल्क उपलब्ध गराईने बताए ।

गापा अध्यक्ष बुढाथाेकिले राजपुर गाउँपालिका बासिले स्थानिय सरकारकाे आभाष हुने गरि काम गरेकाे बताए । अध्यक्ष बुढाथाेकिले भने प्रत्येक वडामा कृषि तथा पशु प्राविधिक खटाएर वडामै सेवा पुर्‍यका छौं । राजपुरपालिकाले काम गर्छु सिपसिक्छु भन्ने युवाकाे लागि वजेट विनियोजित गरे पनि कुनै युवा नआउनु दुखद भएको वताए । युवाहरुका लागि सिपमुलक तालिमकाे ब्यवस्था गरि राजपुर गाउँपालिकामा नै स्वराेजगार वन्न प्रेरित गरेकाे बताए ।

त्यस्तै कार्यक्रममा नेपाली काङ्ग्रेस महासमिति सदस्य जानकिलाल बस्नेतले काङ्ग्रेसले स्थानिय सरकारले जनताका सवालमा केन्द्रीत भएर काम गर्नु पर्ने बताए । काङ्ग्रेस जनताकाे पार्टी हाे जनताले प्रत्यक्ष लाभहुने काम गरि जनतालाई शिरउपर हुने काम गर्नु पर्ने बताए ।