nakb

Rgs

mmsb

Rms

mbd

Jmg

tvs

apb

काठमाडौं । नेपाल दुई दिने भ्रमणमा आएका कतारका राजा अमिर शेख तमिम बिन हमाद अल थानी स्वदेश फर्किएका छन्।

मंगलबार हिजो दुई दिने राजकीय भ्रमणका लागि काठमाडौं आइपुगेका थानी बुधबार आज स्वदेश फर्किएका हुन्।

उनलाई राष्ट्रपति रामचन्द्र पौडेल, उपराष्ट्रपति रामसहाय प्रसाद यादव,प्रधानमन्त्री पुष्पकमल दाहाल प्रचण्ड,सभामुख देवराज घिमिरे सहित विशिष्ठ अधिकारीले त्रिभुवन विमानस्थलमा बिदाइ गरेका थिए ।

फिलिपिन्सबाट बंगलादेश हुँदै उनी मंगलबार अपरान्ह काठमाडौं आएका हुन् । नेपाल भ्रमणका क्रममा अमिर थानीले मंगलबार साँझ राष्ट्रपति पौडेल र बुधबार बिहान प्रधानमन्त्री प्रचण्डसँग द्वीपक्षीय वार्ता गरेका थिए । प्रधानमन्त्रीसँगको वार्ताका क्रममा विभिन्न आठ क्षेत्रमा समझदारी गर्ने सहमति भएको छ।