Rms

nakb

Jmg

Rgs

mmsb

mbd

apb

tvs

दाङ । लुम्बिनी प्रदेश सरकारले बर्दिया जिल्लामा आगलागीमा परेर ज्यान गुमाएको परिवारलाई राहत उपलब्ध गराउने भएको छ ।

लुम्बिनी प्रदेश सरकार गृह मन्त्रालयमा बिहीबार बसेको प्रदेश विपत कोष समितिको बैठकले प्रतिव्यक्ति एक लाखको दरले चार लाख रुपैयाँ राहत स्वरुप उपलब्ध गराउने निर्णय गरेको हो ।

गृह मन्त्रालयका सचिव लालबाबु कवारीको अध्यक्षतामा बसेको बैठकले बर्दिया स्थित गुलरिया नगरपालिका वडा नम्बर ४ तुलापुरमा भरतकुमार चन्दको घरमा आगलागी हुँदा भएको क्षतिको आधारमा राहत उपलब्ध गराउने निर्णय गरेको हो ।

यहीँ मंसिर ८ गते भएको आगलागीमा परेर चारजनाको घटनास्थलमै मृत्यु भएको थियो । कृपा चन्द, कार्तिक चन्द, राधादेवी बुढा र मानषी बुढाको जलेर मृत्यु भएको विवरण जिल्ला प्रशासन कार्यालय बर्दियाले गृह मन्त्रालयमा पठाएको थियो ।