Ssb

Tsb

Gsb

Usb

Hl1

Rgu

Nps

ptl

दाङ । राप्ती स्वास्थ्य विज्ञान प्रतिष्ठान अस्पतालमा एक जना बालकको मुत्यु भएपछि अस्पताल तनाव ग्रस्त बनेको छ ।

मंगलबार बेलुका प्रतिष्ठानमा उपचारका लागि गएका घोराही उपमहानगरपालिका-३ का ११ वर्षिय आक्रोश नेपालीको मृत्यु भएपछि अस्पताल तनाव ग्रस्त बनेको जिल्ला प्रहरी कार्यालय दाङका प्रवक्ता राजन कुमार गौतमले जानकारी दिनु भयो ।

मृतक बालकलाई बिहीबार बिहान भेन्टीलेटरमा राखेर उपचार गर्दै गर्दा मृत्यु भएको अस्पताललाई उद्धत गर्दै प्रवक्ता गौतमले बताउनु भयो । छारे रोग लागेका बालकलाई उपचारका लागि प्रतिष्ठानमा अर्धचेत अवस्थामा ल्याइएको प्रहरीले बताएको छ ।

थप चेकजाँचका लागि उनलाई बुधबार एमआरआई कक्षमा लगिएको थियो । सो क्रममा एमएआरआई कक्षको ढोका खुल्दा अक्सिजन मेसिनमा ठोक्किन पुगेको प्रहरीको भनाइ छ । त्यसपछि सिकिस्त भएका बालकलाई आईसीयू र भेन्टिलेटरमा राखिएको थियो । बिहीबार बिहानमात्र भेन्टिलेटरमा बालकको मृत्यु भएपछि चिकित्सकले दिउँसो मृत घोषणा गरेका थिए ।

त्यस्तै घटनापछि मृतकका आफन्तले दिउँसो नाराबाजी गर्दै प्रतिष्ठान घेराउ गरेका छन् । आफन्तले भने एमआरआई कक्षमा धातुजन्य वस्तु लैजान नमिल्ने भएपनि अक्सिजनको सिलिण्डर एमआरआई कक्षमा लैजानु डाक्टरको लापरवाही भएको बताएका छन् । प्रतिष्ठानले घटनाबारे केही बताएको छैन । यस विषयमा अहिले दुवै पक्षविच वार्ता भैरहेको छ ।