सल्यान । आज बिहान सल्यानमा जिप दुर्घटना हुँदा दुई जनाको मृत्यु भएको छ। शनिबार बिहान ६:४० बजेतिर सल्यान कुमाख गाउँपालिका ७ जिमाली स्थित भित्री कच्ची सडकखण्डमा डुमकोटबाट शारदा नगरपालिका ११ मा पर्ने खैराबाङ मन्दिरमा दर्शन गर्नको लागी आउँदै गरेको रा १ ज ७९८ नम्बरको जिप उकालोमा ब्याक गर्ने क्रममा दुर्घटना भएको सल्यान प्रहरीले जानकारी दिएको छ।

त्यस्तै जिप सडकबाट करिब १०० मिटर तल खसेको प्रहरीले जानकारी दिएको छ। मृत्यु हुनेमा जिपमा सवार कुमाख गाउँपालिका वडा नम्बर ७ डुमकोट बस्ने अन्दाजी वर्ष ३९ का मान बहादुर पुन र सोही ठाउँ बस्ने बर्ष १४ कि एनका पुनको घटनास्थलमा मृत्यु भएको प्रहरीले बताएको छ।

यस्तै दुर्घटनामा घाइतेहरुलाई उपचारको लागी जिल्ला अस्पताल सल्यान तर्फ पठाइएको प्रहरीले जानकारी दिएको छ । घाईतेहरुको थप विवरण आउन बाँकी रहेको प्रहरीले जनाएको छ।