Sidha Patra शुक्रबार, आषाढ ३१, २०७९

दाङ । शहरी सौन्दर्यकरणका लागि तुलसीपुर बजार क्षेत्रमा सुन्दरता देखिने बिरुवा रोपण सुरु गरिएको छ । तुलसीपुर उपमहानगरपालिकाको बजार क्षेत्रका साथै घोराही तुलसीपुर सडकखण्डको तुलसीपुरदेखि हात्ती खौवासम्म बिरुवा रोपण सुरु गरिएको हो ।

त्यस्तै बजार क्षेत्रमा आउने सेवाग्राहीका साथै पर्यटकहरुलाई सुन्दरता देखाउनका लागि गुल्मर,कल्की,कपुर प्रजातिका बिरुवा रोपण सुरु गरिएको पालिकाका वन अधिकृत ओमकान्त भट्टराईले जानकारी दिनुभयो । डिभिजन वन कार्यालयको सहयोगमा बजार क्षेत्रमा सुन्दरता कायम गर्न र तुलसीपुर उपमहानगरपालिकाभित्र रहेका सामुदायिक वनल लगायतका क्षेत्रमा तीस हजार बिरुवा रोपण गरिएको अधिकृत भट्टराईले जानकारी दिनुभयो ।

यसैबीच सरसफाई तथा फोहोर व्यवस्थापन शाखाको आयोजनामा बिरुवा रोपण सुरु गरिएको हो । नगरप्रमुख टीकाराम खड्काको अध्यक्षता एवम उच्च अदालत तुलसीपुरका मुख्य न्यायाधिश नीता गौतम दीक्षितको प्रमुख आतिथ्यतामा कार्यक्रम सम्पन्न भएको हो ।

प्रमुख अतिथि मुख्य न्यायाधिश नीता गौतम दीक्षितले वातावरण सफा राख्न र प्रदूषण हटाउनका लागि बिरुवा रोपण अनिवार्य भएको बताउनुभयो । कार्यक्रममा नगरप्रमुख टीकाराम खड्काले बजार क्षेत्रको वातावरण स्वस्थ र सफा राख्नका लागि बिरुवा रोपण गरिएको बताउनुभयो । कार्यक्रममा संविधान सभा सदस्य बुद्विराम भण्डारीले बजार क्षेत्रमा सुन्दरता देखाउनका लागि बिरुवा रोपण कार्य सकारात्मक भएको र यो गाउँगाउँसम्म पुर्‍याउनुपर्ने बताउनुभयो । कार्यक्रममा मुख्य न्यायाधीस नीता गौतम दीक्षित,नगरप्रमुख टीकाराम खड्का,उपप्रमुख स्यानी चौधरी,संविधान सभा सदस्य बुद्विराम भण्डारी,प्रमुख प्रशासकीय अधिकृत मोहन पौडेलले विभिन्न प्रजातिका बिरुवा रोपण गर्नुभएको थियो ।

यस्तै कार्यक्रममा बारेमा प्रमुख प्रशासकीय अकिृत मोहन पौडेलले जानकारी दिनुभएको थियो भने सरसफाई शाखाका प्रमुख माधव पौडेलले कार्यक्रमको सञ्चालन गर्नुभएको थियो ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु: शिवराज पन्थी,सुशीला (ओली) गिरी,जयप्रकाश पौडेल,सम्बाददाताहरु: टोपेन्द्र खनाल, इराधा झाक्री मगर,शिव बस्नेत,सल्लाहकारहरु:बिपुल पोख्रेल,उदय जि.एम
कानुनी सल्लाहकार:वरिष्ठ अधिवक्ता रेवतीरमण भट्टराई

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधा-पत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८०९५६३२३६
# इमेल :- [email protected]