Hl1

Gsb

Usb

Tsb

Ssb

Nps

Rgu

ptl

दाङ । देउखुरी क्षेत्रमा बोइलर कुखुराको मुल्य फेरि घटेको छ । देउखुरी कुखुरा पालक समुहका अध्यक्ष अर्जुन अधिकारीको अध्यक्षतामा आइतबार बसेको बैठकले कुखुराको मुल्य घटाएको हो । असार २७ गते देखि लागु हुने गरी अव तयारी ब्रोइलर प्रती केजी २३० रूपैयाँ र फ्रेस मासु प्रती केजी ३४० रूपैयाँ कायम गरेको छ ।

देउखुरीमा कुखुरा बढी र माग न्युन भएकोले मुल्य घटाउनु परेको समुहका अध्यक्ष अर्जुन अधिकारीले जानकारी दिएका छन् । यस अघि तयारी ब्रोइलर प्रती केजी २५० रूपैयाँ र फ्रेस मासु प्रती केजी ३६० रूपैयाँ कायम गरेको थियोे ।

साथै अध्यक्ष अधिकारीले समितिबाट लागू गरिएको मुल्यमा तयारी जिउँदो ब्रोइलर कुखुरा र फ्रेस मासुको कारोबार गर्न सम्पुर्ण किसान,मासु ब्यबसायी, लगाएत आम उपभोक्ताहरुमा अनुरोध गरेका छन् ।

त्यस्तै बैठकमा समुहका उपाध्यक्ष खिमा भण्डारी, सचिव पहलमान चौधरी ( अनुप ), कोषाध्यक्ष तथा प्रवक्ता प्रकाश पोख्रेल, सहसचिव जिबराज भट्टराई, सदस्य वसन्त थापा, मधु खड्का, तिलबहादुर डाँगी, बिश्वराज श्रेष्ठ, सुर्यनारायण चौधरी, टेकबहादुर पुन, दुर्गा सार्की र अरुणा केसीको सहभागिता रहेको थियो ।