Gsb

Ssb

Hl1

Tsb

Usb

Rgu

Nps

ptl

दाङ । देउखुरीको राजपुर गाउँपालिका वडा नम्बर ४ मोतीपुर,फोहोरा गाउँ डुबानमा परेको छ । उक्त बस्तीमा अहिले मुङ्ग्रेठा खोलाको भेल पसेर डुबानमा परेको हो ।

त्यस्तै सो गाउँको बाटोभएर दैनिक सम्बन्धित सरोकारवाला निकायका प्रमुख ब्यक्तिहरु आवतजावत गर्छन् तर उनको पनि अहिलेसम्म उक्त बस्तीमा ध्यान पुग्न नसकेको सो गाउँका युवा अम्रेश यादवले बताए ।यादवले भने हामीले उक्त स्थानमा दोहोरो तटबन्धको लागि वडा अध्यक्षदेखि गाउँपालिका अध्यक्ष र सांसदलाई समेत सिफारिस गरेउ तर अहिलेसम्म कसैले पनि वास्ता गरेनन् ,त्यसको फल स्वरुप आज बस्ती दुबानमा पर्‍यो । सो स्थानमा समयमा दोहोरो तटबन्ध भएको भए सायद आज यसरी यहाँका जनताले दुख पाउनु पर्दैनथ्यो होला यादवले भने ।यादवका अनुसार अहिले उक्त बस्तीमा मुङ्ग्रेठा खोलाले मात्रै त्यति धेरै क्षति पुर्‍याइरहेको छ । त्यस बस्तीमा करङ्गा खोलाले पुर्वबाट पश्चिम् तिर जुन हुलाकी सडक पर्छ । सो सडकलाई काटेर मुङ्ग्रेठा खोलासंग मिसिन लागेको छ । अब धेरै छैन जम्मा ५ मिटर जति छ,मुङ्ग्रेठा खोलासंग करङ्गा खोला मिसिनको लागि’यदि मुङ्ग्रेठा खोलासंग मिसियो भने पुरै दुई सय बस्ती डुबानमा पर्ने यादवले बताए ।राजपुर गाउँपालिका वडा नम्बर ४ का वडा अध्यक्ष रामेश्वर यादवको घरपनि सोही गाउँमा पर्छ तर अहिलेसम्म उनको पनि सो कटान र डुबानमा ध्यान पुग्न सकेको छैन । यादव यस अघिको वडा अध्यक्ष थिए भने अहिलेपनि निर्वाचित भएर सो वडाको अध्यक्ष भएका छन् । तर यादवले अहिलेसम्म केही पहल नगरेको स्थानीय बासिले गुनासो गरेका छन् ।