nakb

mmsb

mbd

Jmg

Rms

Rgs

apb

tvs

दाङ । लमही नगरपालिकाले १ अर्ब ३९ करोड ८१ लाख १८ हजारको बजेट प्रस्तुत गरेको छ ।

आर्थिक बर्ष २०७८/०७९ को बजेट भन्दा यो बजेट २७ करोड ३१ लाख १८ हजारले बढी हो । नगर उपप्रमुख लक्ष्मी योगीले विभिन्न बिषयगत शिर्षकमा गरि आर्थिक बर्ष २०७९/०८० का लागि उक्त बजेट प्रस्तुत गरेकी हुन् ।

संघिय सरकार समानिकरण अनुदान, समपूरक अनुदान,बिशेष अनुदान,शसर्त अनुदान, प्रदेश सरकार समानिकरण,सवारी साधन राजश्व बाँडफाँड, शसर्त अनुदान,समपुरक अनुदान,बिशेष अनुदान, आन्तरिक श्रोत लगायतबाट प्राप्त हुने रकमलाई आधार मानेर बजेट बनाइएको छ ।

नगर सभाको बैठकले बार्षिक नीति तथा कार्यक्रम संसोधन सहित सर्वसहमती बाट पारित गरेको छ । बैठकले विभिन्न ४ समितिहरु समेत गठन गरेको छ । न्यायिक समितीमा उपप्रमुख लक्ष्मी योगी संयोजक, सदस्यहरुमा केशव अधिकारी र काँशीप्रसाद चौधरी रहेका छन । लेखा समितिको संयोजकमा कालिचरण चौधरी,कृष्णबहादुर खत्री र राधा विक सदस्य चयन भएका छ ।

विधायन समितिका संयोजकमा अम्बर बहादुर वली, सदस्यमा कृष्ण गिरी र केदार चौधरी, शुसासन समितिको संयोजकमा सुमनकुमार अधिकारी, सदस्यमा लिलाकुमारी चौधरी,पार्वती रानामगर रहेको छ । नगर प्रमुख जोगराज चौधरीको अध्यक्षतामा बैठक सम्पन्न भएको हो ।