Jmg

mmsb

nakb

Rgs

Rms

mbd

apb

tvs

दाङ । दाङको गढवा गाउँपालिकाको अध्यक्षमा माओवादी केन्द्रका यमनारायण शर्मा पोख्रेल (विश्वास) निर्वाचित हुनु भएको छ ।

त्यस्तै उहाँले ६९०९ मतसहित अध्यक्षमा निर्वाचित हुनु भएको हो । उहाँका निकटतम प्रतिस्पर्धी नेपाली काङ्ग्रेसका उम्मेदवार सर्वजित डिसीले ६१६७ मत पाउनु भएको थियो ।

यस्तै नेकपा एमालेका उम्मेदवार सहजराम यादवले ४१३१ मत पाए पराजित हुनु भएको छ । यसैगरी उपाध्यक्षमा नेपाली काङ्ग्रेसकी उम्मेदवार शारदा चौधरी निर्वाचित हुनु भएको छ । उहाँले ५१८१ मत पाउनु भएको छ । उहाँका निकटतम प्रतिस्पर्धी नेकपा एमालेकी सीता कुमारी चौधरीले ४ हजार ८३० मत पाउनु भएको थियो ।

त्यस्तै माओवादी केन्द्रसँग तालमेल गरेर उपाध्यक्षमा प्रतिस्पर्धा गरेकी एकीकृत समाजवादीकी शान्ति चौधरी भने पराजित बेहोर्नु भएको छ । उहाँले ४११२ मत मात्र पाउनु भएको थियो । उहाँ २०७४ सालको स्थानीय तह निर्वाचनमा नेकपा एमालेबाट गाउँपालिका उपाध्यक्ष चुनिनु भएको थियो ।

यसैगरी गढवा गाउँपालिकामा जम्मा ८ वटा वडाहरु छन् । चार वटा वडा माओवादीले जितेको छ एमाले र कांग्रेसले२/२ वटा वडा मात्र जितेका छन् ।