दाङ । नेपाली काङ्ग्रेस गढवा गाउँकमिटीले गढवा गाउँपालिकाको अध्यक्ष र उपाध्यक्षको उम्मेदवारी दर्ता गरेको छ ।

काङ्ग्रेसले आसन बैशाख ३० गतेको स्थानीय तहको निर्वाचनद्वारा गाउँपालिकाको अध्यक्ष र उपाध्यक्षमा निर्वाचित गराई गाउँपालिकामा जनप्रतिनिधिको रुपमा विजय गराउन सोमबार आज गढवामा रहेको निर्वाचन कार्यालयमा पुगेर उम्मेदवारीको नाम दर्ता गराएको हो । जसका लागि गाउँपालिकाको अध्यक्षमा सर्बजित डिसी र उपाध्यक्षमा शारदा चौधरीक नामबाट उम्मेदवारी दर्ता गराएको छ ।

त्यस्तै गढवा गाउँपालिकाको वडा नम्बर १ को वडा अध्यक्षमा माधव सापकोटा,वडा नम्बर २ मा माहाविर चौधरी,३ मा गुरुप्रसाद चौधरी,४ मा गुलाम मोहम्मद जागा मुसलमान यस अघिका वडा अध्यक्ष दोहरिएको,५ मा लेख बहादुर थापा,६ मा बालचन्द्र हमाल यस अघिकै वडा अध्यक्ष दोहोरिनु भएको हो ।

यस्तै वडा नम्बर ७ मा राहुलदेव चौधरी यस अघिकै वडा अध्यक्ष दोहोरिनु भएको छ भने वडा नम्बर ८ मा नेकपा माओवादी केन्द्रसंगको गठवन्धनद्वारा माओवादीको तर्फबाट वडा अध्यक्ष अबदुल वहाप सिद्धकिको उम्मेदवारी रहेको छ ।

त्यस्तै वडा सदस्यमा नेपाली काङ्ग्रेसको तर्फबाट अबदुल गुद्रस सिद्धकिको उम्मेदवारी दर्ता गरिएको नेपाली काङ्ग्रेस गढवा गाउँपालिका इकाई सभापति किरण पौडेलले जानकारी दिनु भयो ।