दाङ । दाङकाे घाेराही उपमहानगरपालिकाका नगर प्रमुखका उम्मेदवार नरुलाल चाैधरीले सुरुवात भएकाे विकासलाई पूरा गर्न पुन: नगर प्रमुखमा उम्मेदवारी दिएकाे बताएका छन् ।
नेकपा एमालेको तर्फबाट नगर प्रमुखकाे उम्मेदवारी दर्ता गर्न पुगेका चाैधरीले सञ्चारकर्मीसँगकाे संवादमा आफू नगर प्रमुख रहँदा सुरू गरेका कतिपय विकासका काम अझै पूरा नभएकाे र ती कामलाई पूरा गर्नका लागि आफ्नो उम्मेदवारी रहेकाे बताए ।
दाङकाे घाेराही उपमहानगरपालिकामा एमालेका तर्फबाट नगर प्रमुखमा उम्मेदवारी रहेकाे छ । त्यस्तै उप प्रमुखमा हुमा डिसीकाे उम्मेदवारी रहेकाे छ । चाैधरी २०७४ काे स्थानीय निर्वाचनमा पनि नगर प्रमुखका विजयी प्रतिनिधि हुन् ।