दाङ । लमही नगरपालिका वडा नम्बर ७ को कप्तानगञ्जमा काँग्रेस प्रतीको उल्लेख्य क्रेज देखिएको छ । एकैदिन ७६ जना काँग्रेसमा प्रबेश भएपछि आश्चर्य चकित नै बनाएको हो । जसले गर्दा अन्य पार्टीलाई ठुलै क्षेती पुग्ने निश्चित छ । नेकपा एमाले र माओबादी केन्द्रको प्रभाबित क्षेत्रको रूपमा परिचित कप्तानगञ्ज,कर्रीटोल,जनकपुर र नयाबस्तीबाट गरि ७६ जना विभिन्न पार्टी परित्याग गर्दै नेपाली काँग्रेसमा प्रबेश भएका हुन ।

बिगत धेरै बर्षदेखी नेकपा एमालेमा रहेर काम गरिरहेका प्रभाबशाली ब्यक्तिहरुपनि काँग्रेसमा प्रबेश भएपछि एमालेमा पहिरो नै गएको छ । जनपुरबाट भागिराम चौधरी, खिमलाल पुन र कप्तानगञ्ज देखी बान खत्री सहित ७६ जना प्रबेश भएका हुन । उल्लेखित नामहरु बिगत लामो समयदेखी एमालेको खम्बाका रुपमा परिचित ब्यक्तिहरु हुन ।

काँग्रेसका केन्द्रीय सदस्य तथा पुर्ब सिँचाई मन्त्री दिपक गिरीले उनिहरुलाई पार्टी प्रबेश गराउँदै फुल माला अबिरले भब्य स्वागत गरेका हुन । कार्यक्रममा बोल्दै नेता गिरीले समग्र वडाको कामलाई मुल्याँकन गरि स्वतस्फुर्ट रुपमा आउने साथीहरुले अबको निर्बाचनमा काँग्रेसको चारतारे झण्डा फहराउँदै जित दिलाउन आग्रह समेत गरे ।