दाङ । बङगलाचुली गाउँपालीका वडा नम्बर चारको फाटा,पुरुङ,पथन्चौर लगायतका गाउँबाट दर्जनौं घर कुरिया राष्ट्रिय जनमोर्चामा प्रवेश गर्नु भएको छ ।

बिगतमा एमाले,काङ्ग्रेस,माओवादी र राप्रपामा रहदै आउनु भएका स्थानीय नागरिकहरु राष्ट्रिय जनमोर्चामा प्रवेश गर्नु भएको हो । अहिलेसम्म काङ्ग्रेसलाई जिताइयो एमालेलाई जिताइयो, माओवादीलाई पनि जिताइयो तर यिनिहरु सबै उस्तै रैछ्न । त्यसैले अब जनमोर्चा जस्तो इमान्दारीताको राजनीति गर्ने र राष्ट्रघात,भ्रष्टाचारको बिरोध गर्ने पार्टीलाई जिताउनु पर्छ भन्ने लागेर जनमोर्चामा प्रवेश गरेको स्थानीय घनस्याम परियारले बताउनु भयो ।

यसैगरी स्थानीय थर्क बहादुर पुनले राष्ट्रिय जनमोर्चा पुरानो पार्टी हो हामीले मसाल भनेर पनि बुझ्छौ । यति पुरानो पार्टीले पनि अहिलेसम्म भ्रष्टाचार गरेको , राष्ट्रघात गरेको हामिले सुनेका छैनौं । बरु त्यसको बिरोध गरेको सुनेका छौं । त्यसैले अब हामी गरिब र इमान्दार जनताको पार्टी जनमोर्चा भएकोले हामी जनमोर्चा बन्यो भन्नू भयो ।

जिल्ला अध्यक्ष गणेश आचार्यको उपस्थितमा भएको कार्यक्रममा यति ठूलो संख्यामा पार्टी प्रवेश कार्यक्रम भएको हो । प्रवेश कार्यक्रममा जिल्ला सदस्य तिलक घर्ती,पालिका अध्यक्ष सुमन घर्ती,उपाध्यक्ष भिम बहादुर अधिकारी,अखिल नेपाल युबक संघ घोराही नगर उपाध्यक्ष संजय वली लयायतको उपस्थित रहेको थियोे ।