दाङ । जनता समाजवादी पार्टी नेपाल दाङ जिल्ला समन्वय समितिकाे निर्वाचन केन्द्रित बैठक जिल्ला कार्यालय घाेराहीमा सम्पन्न भएको छ ।
बैठकले प्रस्ताव नम्बर १ मा हाेम प्रसाद शर्माकाे सँयाेजकत्वमा १५ सदस्यिय दाङ जिल्ला स्थानीय निर्वाचन परिचालन सचिवालय गठन गरेकाे छ । जसमा सँयाेजक हाेम प्रसाद शर्मा,सदस्य कुल बहादुर घर्ती,लक्ष्मी चाैधरी, भरत चाैघरी,सुरेन्द्र चन्द,टाेप बहादुर महतरा,रिता यादव,जगतराम यादव,टाेप बहादुर कार्की जीवन भण्डारी,प्रकाश बिष्ट,माेहन ओलि,रण प्र सुवेदी, आईतराम बिक र बिकास अग्रवाल रहनु भएको छ ।
त्यस्तै प्रस्ताव नम्बर २ मा दाङ जिल्लाका १० वटै स्थानीय तहमा स्थानीय निर्वाचन लड्ने निर्णय गर्नुका साथै यहीँ चैत १५ गते सम्म दशवटै स्थानीय तहकाे प्रमुख र उप-प्रमुखकाे नाम शिफारिस गर्न पालिका समितिहरुलाई निर्देशन दिने निर्णय गरेको छ भने यहि १६ गते जिल्लाले पालिका प्रमुखहरुकाे नाम सार्वजनिक गर्ने निर्णय भएको छ ।
यस्तै प्रस्ताव नम्बर ३ मा स्थानीय निर्वाचनमा आवस्यक गठबन्धनका लागि,हाेम शर्माकाे सँयाेजकत्वमा कुल बहादुर घर्ती,लक्ष्मी चौधरी,जीवन भण्डारी र जगतराम यादव सदस्य रहेकाे ५ सदस्यिय बार्ता समिति गठन गरिएको छ । त्यसैगरी प्रस्ताव नम्बर ४ मा बैठकले,टाेप बहादुर महतराकाे सँयाेजकत्वमा प्रकाश चाैधरी,टाेप बहादुर कार्की, प्रकाश बिष्ट,जीवन भण्डारी,सदस्य रहेकाे ५ सदस्यिय आर्थिक ब्यवस्था उपसमिति गठन गरिएको छ भने प्रस्ताव नम्बर ५ मा जीवन भण्डारीकाे सँयाेजकत्वमा प्रचारप्रसार उपसमिति गठन गर्दै बैठक अत्यन्त साैहाद्र पुर्ण सम्पन्न भएकाे थियो ।
दाङ जिल्ला अध्यक्ष होम प्रसाद शर्माको अध्यक्षता लुम्बिनी प्रदेश मुख्यसचिव यज्ञ पोखरेलको प्रमुख आतिथ्यतामा बैठक भएको थियो भने सो बैठक कार्यक्रमको संचालन जिल्ला सचिब लक्ष्मी चौधरीले गर्नु भएको थियो ।