Jmg

Rms

mbd

Rgs

apb

tvs

दाङ । लुम्बिनी प्रदेशबाट तीन सिट सहित राष्ट्रियसभामा रिक्त हुन लागेका १९ सिटका लागि घोराहीमा मतदान जारी छ । घोराहीस्थित कर्मचारी मिलन केन्द्रमा बिहान ९ बजेदेखि सुरु भएको मतदान दिउँसो ३ बजेसम्म जारी रहने कार्यतालिका रहेको छ ।

चारवटा मतदान केन्द्रमार्फत मतदान गर्ने व्यवस्था मिलाइएको निर्वाचन अधिकृत नीमराज भट्टराईले जानकारी दिनुुभएको छ । मतदानस्थलमा स्वास्थ्यकर्मीहरुको व्यवस्था मिलाइएको छ भने कोरोना संक्रमितहरुलाई सुरक्षितढंगले मतदानको व्यवस्था मिलाइएको उहाँको भनाइ छ ।

राष्ट्रियसभामा लुुम्बिनी प्रदेशबाट कोमल ओली, दृगनारायण पाण्डे र रामलखन चमारको चार वर्षे कार्यकाल सकिन लागेको छ । तीन सिटका लागि सत्ता गठबन्धन र नेकपा एमालेका उम्मेदवारबीच प्रतिस्पर्धा हुँदैछ ।

जस अनुसार गठबन्धनमा नेपाली कांग्रेसबाट बाँकेका युवराज शर्मा, नेकपा एकीकृत समाजवादीबाट पाल्पाकी राज्यलक्ष्मी गैरे र राष्ट्रिय जनमोर्चाको तर्फबाट रूपन्देहीका तुलबहादुर विश्वकर्मा उम्मेदवार रहनुुभएको छ । त्यस्तै एमालेको तर्फबाट दाङका रामदयाल गुप्ता, बाँकेकी भारती खनाल उपाध्याय र गुल्मीका कृष्ण सुनार उम्मेदवार रहनुु भएको छ ।