Rgs

Bbbpu

Ssm

Rgu

Ggd

nsb

Wsp

Sls

Bbu

Pvg

Vor

Tsm

Gst

Sbs

Ksm

Rgu

Asm

Hal

Rsb

Jmb

Rmb

Mks

Gsb

Ptm

Jmb

Abd

sab

Pls

Syp

Bml

Rpp

bbt

सल्यान । सल्यानको शारदा नगरपालिका वडा नम्बर –२ खलंगास्थित सिँचाइ कार्यालय नजिक खलंगा–श्रीनगर सडकखण्डमा अटो दुर्घटना हुँदा १० जना घाइते भएका छन् ।

श्रीनगरबाट खलंगातर्फ आउँदै गरेको रा.१ ह २१९५ नम्बरको अटो दिउँसो करिब २ बजे आफैँ अनियन्त्रित भई सडकबाट करिब ५०० मिटर तल खसेको जिल्ला प्रहरी कार्यालय सल्यानले जनाएको छ । अटोमा चालकसहित ११ जना सवार रहेका थिए।

दुर्घटनामा घाइते भएका १० जनालाई उपचारका लागि जिल्ला अस्पताल सल्यान पठाइएको छ। घाइतेमध्ये सिद्दकुमाख गाउँपालिका–१ का ७८ वर्षीय टरबहादुर रेउले र ३ वर्षीया सृष्टि बि.क.को अवस्था गम्भीर रहेको प्रहरीले जनाएको छ । अन्य घाइतेको अवस्था सामान्यदेखि मध्यम रहेको छ ।

त्यस्तै अटो चालक शारदा नगरपालिका–६ का २५ वर्षीय अर्जुन डाँगी सकुशल रहेका छन्। चालकसँग सवारी चालक अनुमति पत्र (लाइसेन्स) नभएको पाइएको र उनलाई नियन्त्रणमा लिइएको जिल्ला प्रहरी कार्यालय सल्यानले जनाएको छ ।

यस्तै दुर्घटनापछि जिल्ला प्रहरी कार्यालय सल्यानबाट प्रहरी निरीक्षक पूर्णबहादुर के.सी.को कमाण्डमा ९ जनाको प्रहरी टोली घटनास्थलमा खटिएको थियो । दुर्घटनाको कारणबारे थप अनुसन्धान भइरहेको छ ।  घाइते सबैको जिल्ला अस्पताल सल्यानमा उपचार भइरहेको जिल्ला प्रहरी कार्यालय सल्यानका प्रहरी नायब उपरीक्षक डा.हेमबहादुर केसीले जानकारी दिए ।