Tsb

Ssb

Usb

Gsb

Hl1

Rgu

ptl

Nps

कपिलवस्तु । कपिलवस्तुको विजयनगर गाउँपालिकाले जाजरकोट भूकम्पपीडितलाई आर्थिक सहयोग गरेको छ ।

गाउँपालिकाले बिहिबार बसेको गाउँकार्यपालिकाको बैठकले गाउँपालिका भरिका जनप्रतिनिधि,कर्मचारी र शिक्षक कर्मचारीको सेवा सुविधा र तलब वापतको रकम भुकम्प पीडितलाई सहयोग गरिएको गाउँपालिका अध्यक्ष गोपाल बहादुर थापाले बताउनु भयो ।

त्यस्तै उहाँले भुकम्प पीडितको राहतका लागि राहत स्वरुप २ लाख रुपैयाँ आर्थिक सहयोग गरिएको बताउनु भयो । सेवा सुविधा र तलब वापत केही दिनको रकम प्रधानमन्त्री दैवी प्रकोप उद्धार कोषमा रकम जम्मा गरिएको अध्यक्ष थापाले जानकारी दिनु भयो ।

यसैगरी जनप्रतिनिधिको १ दिनको सेवा सुविधा र अधिकृत स्तरका कर्मचारीे २ दिनको तलब र सहायक स्तरका कर्मचारी÷शिक्षकको १ दिनको तलब जाजरकोटका भुकम्प पीडितलाई सहयोग गरिएकोे गाउँपालिका प्रमुख प्रशासकीय अधिकृत शोभाराम रिजालले जानकारी दिनु भयो । उहाँले बिहिबार प्रधानमन्त्री दैवी प्रकोप उद्धार कोषमा रकम जम्मा भइसकेको जानकारी दिनु भयो ।

यस्तै गत कार्तिक १७ गते जाजरकोटको रामीडाँडा केन्द्रबिन्दु बनाएर भुकम्प गएको थियो । भुकम्पले जाजरकोट र रुकुम पश्चिमका अधिकांश घर भत्किएका छन् भने जनधनको पनि ठुलो क्षति भएको छ ।