Gsb

Ssb

Hl1

Usb

Tsb

Nps

ptl

Rgu

दाङ । देउखुरीको राजपुर गाउँपालिका अन्तरगत नेकपा (माओवादी) केन्द्र राजपुरले वडा स्तरमा जन सम्बन्ध सुदृढ तथा संगठन विस्तार अभियान चलाएको छ ।

सोमबार राजपुर गाउँपालिका वडा नम्बर ६ का पार्टी कमिटी अध्यक्ष नेत्र बहादुर खत्रीको अध्यक्षता तथा लुम्बिनी प्रदेश कमिटीका सदस्य चक्रबहादुर खड्का (शिखर)को प्रमुख आतिथ्यता र राजपुर गाउँ कमिटीका अध्यक्ष श्याम बहादुर रोका मगरको विशेष अतिथिमा बसेको बैठकले टोल बनाउने,टोल सेल,साधारण सदस्य वितरण,जवस मोर्चाका भेला गर्ने,गाउँ बस्तीमा बस्ने निर्णय गरेको हो ।

त्यसैगरी बैठकमा राजपुर गाउँ कमिटीका सहसचिव दिलमती वलि,टंकेश्वर गुप्ता लगायतले आफ्नो भनाइ राख्नु भएको थियो । त्यस्तै सो अवसरमा काङ्ग्रेसका सक्रिय सदस्य सुर्य प्रसाद चौधरीले नेपाली काङ्ग्रेस पार्टी परित्याग गरि नेकपा (माओवादी)केन्द्रमा प्रवेश गर्नु भएको छ । उहाँलाई प्रदेश कमिटीका सदस्य चक्रबहादुर खड्का (शिखर)ले पार्टी प्रवेश गराउनु भएको थियो ।

यस्तै बैठकमा वडा कमिटीका सदस्यहरुले आफ्नो टोल बस्तीको बारेमा रिपोर्ट प्रस्तुत गर्नु भएको थियो भने बैठकको संचालन वडा कमिटीका उपाध्यक्ष धनबहादुर गुरुङले गर्नु भएको थियो ।