स्याङ्जा । मुलुकमा राजनीतिक उथल पुथल भइरहेको समयमा नेकपा एमालेको भने जनलहर व्यापक मात्रामा बढ्दै गइरहेको छ । यसै क्रममा स्याङ्जाको वालिङ १४ लंकाकोटको शनिवार एउटा सिंगो बस्ती नेपाली कांग्रेस परित्याग गरि नेकपा एमालेमा प्रवेश गरेको छ । उक्त ठाउँमा दर्जनौं कांग्रेसका युवा युवती, वृद्ध वृद्धाको एमालेमा प्रवेश गरेका हुन् ।

मुलुकको विकास र समृद्धिको बाहकको रुपमा एमाले भएको भन्दै पार्टी प्रवेश गर्नेको लर्को लागिरहेको छ । एमालेमा प्रवेश गर्दै नवप्रवेशीले पार्टी तथा राज्यले दिएका जस्तोसुकै जिम्मेवारीलाई सम्हाल्ने बताए । एमाले नै राष्ट्र, राष्ट्रियता, राष्ट्रिय स्वाधिनता तथा मुर्छित रहेको जनताको विकास प्रतिको चाहना र आवश्यकता पुरा गर्ने पार्टी भएकाले अबको यात्रा एमालेमा हुने उद्घोषका साथ पार्टी प्रवेश गरेका हुन् ।