२६ साउन २०८३, मंगलबार
Ksbus
Sdc
Rgp
Asbus
Msbus
Lnp
Ggp
Ksbus
Ggp
ओमप्रकाश गुप्ता मंगलबार, बैशाख २९, २०८३
दाङ । देउखुरीको राप्ती गाउँपालिका वडा नम्बर २ लालमटियामा रहेको गोरखा आइडियल स्कुलले यस वर्षको माध्यमिक शिक्षा परीक्षा (एसईई) मा उत्कृष्ट नतिजा हासिल गरेको छ ।
राष्ट्रिय परीक्षा बोर्डले सोमबार बेलुका सार्वजनिक गरेको नतिजा अनुसार विद्यालयबाट परीक्षामा सहभागी ४१ जना विद्यार्थीमध्ये ४० जना विद्यार्थी ग्रेडेट हुन सफल भएका छन् । यससँगै विद्यालयले ९७.५६ प्रतिशत नतिजा हासिल गरेको विद्यालयका प्रधानाध्यापक बसन्त बहादुर पुनले जानकारी दिए ।
त्यस्तै,प्रधानाध्यापक पुनका अनुसार सफल विद्यार्थीमध्ये १३ जनाले ए प्लस, १९ जनाले ए तथा ८ जनाले बि प्लस ग्रेड प्राप्त गरेका छन् । यसैगरी विद्यालयले उत्कृष्ट नतिजा ल्याउन सफल विद्यार्थी, शिक्षक,अभिभावक तथा विद्यालय परिवारप्रति धन्यवाद ज्ञापन गर्दै आगामी दिनमा अझ उत्कृष्ट शैक्षिक उपलब्धिका लागि प्रतिबद्ध रहने जनाएको छ ।
