Rms

Rgs

nakb

Jmg

mbd

mmsb

apb

tvs

दाङ । तुलसीपुर उपमहानगरपालिका वडा न. ७ स्थित कालाखोलामा जारी भोटे मेलामा आज तेस्रो दिन दर्शकको बाक्लो उपस्थिती रहेको थियो । मेलाका सांस्कृतिक संयोजक दिपक कुमालका अनुसार दोस्रो दिनको तुलनामा आज (शुक्रबार) दर्शकको संख्यामा बृद्धि भएको हो । उहाँले भन्नु भयो,आज मात्रै दुई हजार टिकट बिक्रि भएको छ ।’ आज चर्चित लोक तथा दोहोरी गायक बद्रि पंगेनी,देबेन्द्र बस्नेत, गायीका टिका सानु, आरुसी मगर,बाल गायीका रबीना बस्याल लगायत स्थानीय कलाकारहरुको प्रस्तुती रहेको थियो ।

रमाईलो गीतमा झुमेका दर्शक भावुक पनि भए । बद्रि पंगेनिको ‘आमा बिदा पाउँदिन’ बोलको गितले सबैलाई भावुक बनाएको थियो । जुन गीतमा चाडपर्वमा घर आउन नपाएको प्रदेशी छोराको बेदना पोखिएको थियो । एक जना बृद्ध आमाले आँखाभरी आँशु ल्याएर भनिन् ‘म पनि मेरो परदेशी छोरालाई सम्झेर रोएँ ।’ मेलामा आफुहरुले उत्कृष्ट कलाकारहरु ल्याउन सफल भएको संयोजक कुमालले बताए ।

यस्तै भोलि (शनिबार) चर्चित लोक तथा दोहोरी गायक पुष्कल शर्मा, प्रेम विवश घर्ती, सचिन परियार, गायीका सिर्जु अधिकारी लगायत स्थानीय कलाकारहरुको समेत प्रस्तुती रहने उनले बताए । मेलाको आकर्षणका लागि मौतकी कुवा, पिङ, बाल उद्यान लगायत अन्य मनोरञ्जनका सामग्रीहरु समेत राखिएको छ । मेलामा एक सय २० वटा व्यबसायीक स्टलहरु राखिएको छ ।

तुलसीपुर एक्सप्रेस प्रालिको आयोजना, रानीघाट युवा क्लबको सह–आयोजना तथा तुलसीपुर उपमहानगर पालिका वडा न. ७ को संरक्षणमा लगाईएको मेलामा ईतिहास झल्कने विभिन्न प्रस्तुति समेत प्रस्तुत गरिएको छ । मेलामा घोडा दौड प्रतियोगिताको समेत आयोजना गरिएको थियो । ‘आन्तरिक पर्यटन प्रबद्र्धनका लागि ऐतिहासिक भोटे मेला २०७७’ भन्ने नाराका साथ यही फागुन २६ गतेदेखि सुरु भएको मेला चैत २ गते सम्म चल्ने प्रालिका अध्यक्ष दोर्ण आचार्यले बताए ।