दाङ । प्रतिनिधि सभा सदस्य निर्वाचन २०८२ अन्तर्गत दाङमा कुल ५८.३३ प्रतिशत मत खसेको छ।

प्रदेश निर्वाचन कार्यालय लुम्बिनीले सार्वजनिक गरेको विवरण अनुसार जिल्लाभर कुल ४ लाख ३१ हजार ६८६ मतदातामध्ये २ लाख ५१ हजार ८१९ मत खसेको छ । तथ्यांकअनुसार दाङ क्षेत्र नं. १ मा कुल १ लाख ४० हजार १ मतदातामध्ये ८० हजार ९२० मत खसेको छ, जुन ५७.८० प्रतिशत हो। यस क्षेत्रमा ३७ हजार ६१४ पुरुष, ४३ हजार ३०५ महिला र १ अन्यले मतदान गरेका छन्।

यस्तै,क्षेत्र नं. २ मा कुल १ लाख ४० हजार ९६५ मतदातामध्ये ८२ हजार ६२६ मत खसेको छ। यो ५८.६१ प्रतिशत हो। यस क्षेत्रमा ३६ हजार ११९ पुरुष र ४६ हजार ५०७ महिला मतदाताले मतदान गरेका छन्।

त्यस्तै क्षेत्र नं. ३ मा सबैभन्दा बढी मतदान भएको छ। यहाँ कुल १ लाख ५० हजार ७२० मतदातामध्ये ८८ हजार २७३ मत खसेको छ, जुन ५८.५७ प्रतिशत हो। यस क्षेत्रमा ३८ हजार ६६१ पुरुष र ४९ हजार ६१२ महिला मतदाताले मतदान गरेका छन् । जिल्लाभर खसेको मतमध्ये १ लाख १२ हजार ३९४ पुरुष, १ लाख ३९ हजार ४२४ महिला र १ अन्य मतदाता रहेका छन् ।