Ssb

Hl1

Tsb

Gsb

Usb

ptl

Nps

Rgu

दाङ । नेपाली काङ्ग्रेसको भातृ संगठन दलित संगठन क्षेत्र नम्बर १ दाङले राजपुर गाउँपालिका वडा नम्बर ३ भैसहवा निबासी क्यान्सर पीडित लक्ष्मी सुनारको अप्रेसन उपचारको लागि नगद १५,००० हजार आर्थिक संकलन गरि हस्तान्तरण गरेको छ ।

क्षेत्र नम्बर १ दाङका संयोजक पर्बल रसाइलीको नेतृत्वमा उक्त आर्थिक संकलन गरि पीडित सुनारका छोरी मिना सुनारलाई सोमबार हस्तान्तरण गरिएको हो । लक्ष्मीलाई क्यान्सर भएर हाल उपचारमा रहेको खबर थाहा पाएपछि संगठनले आर्थिक संकलन अभियान सुरु गरेको हो ।

त्यस्तै सो अभियानमा आर्थिक सहयोग गर्नेहरुमा तारा नेपालीले २ हजार,प्रीया गजमेरले २ हजार, राजकुमार नेपालीले २ हजार,चन्द्रवीर कामीले १ हजार,चन्द्र नेपालीले १ हजार,श्यामु सुनारले ५ सय,राम नारायण यादवले ५ सय,शोभा राम बिकले १ हजार,कल्सिङ्ग बिकले १२५०,टेकबहादुर बिकले १ हजार,प्रबल रसाइलीले २७५० गरि जम्मा १५ हजार संकलन गरि हस्तान्तरण गरिएको संयोजक रसाइलीले बताउनु भयो ।

उक्त आर्थिक सहयोग गर्दै संयोजक रसाइलीले लक्ष्मीको उपचारको लागि ब्यापारी,उद्योग व्यावसायिक,अन्य सम्बन्धित निकायलाई सक्दो आर्थिक सहयोग गर्न अनुरोध गर्नु भएको छ । लक्ष्मीको पारिवारिक अवस्था नाजुक रहेको र अप्रेसन उपचारमा झन्डै पउने एक लाखको हाराहारीमा खर्च भएको र अझै खर्च लाग्न सक्ने उहाँका छोरी मिनाले बताउनु भयो । लक्ष्मी हाल भारतको कृष्णनगर स्थित रवि हेल्थ केयर अस्पतालमा पाठेघरको अप्रेसन गरि उपचारत हुनुहुन्छ ।