Usb

Tsb

Gsb

Ssb

Hl1

ptl

Nps

Rgu

रोल्पा । थबाङ गाउँपालिका वडा नम्बर १,को वडा कार्यालयले विकास निर्माणका कार्यमा ढिलासुस्ती र स्थानीय जनताको मागप्रति बेवास्ता गरिएको भन्दै अनिश्चितकालका लागि कार्यालय बन्द गर्ने निर्णय गरेको छ ।

वडा कार्यालयले बुधबार जारी गरेको प्रेस विज्ञप्तिमा गाउँपालिकाको अध्यक्ष,प्रमुख प्रशासकीय अधिकृत तथा ठेकेदारसँग पटक–पटक छलफल र अनुरोध गर्दा पनि वडा नम्बर १ मा विद्युत सेवा र अन्य विकास निर्माणका कार्य समयमा सम्पन्न नभएको उल्लेख गरिएको छ । वडा नम्बर १ मा लामो समयदेखि विद्युत आपूर्ति नहुँदा स्थानीयवासीहरु कठिनाइमा परेका छन् । नेपाल विद्युत प्राधिकरण र गाउँपालिकाबीच २०७८ सालमै भएको सम्झौता आजसम्म कार्यान्वयनमा नआएकोप्रति वडाको गुनासो विज्ञप्तिमा व्यक्त गरिएको छ ।

यसैबीच,सोही विषयमा थबाङ गाउँपालिका–२ को वडासदस्य अभिलाषा रोका मगरले पनि कार्तिक १३ गतेबाट तालाचाबी बुझाउने र सुनुवाइ नभए राजीनामा दिने चेतावनी समेत दिएको छ । वडाले जनताको मागलाई प्राथमिकता नदिएको र वडास्तरका जनप्रतिनिधिहरुको बारम्बार आग्रह बेवास्ता गरिएको कारण कार्यालय बन्द गर्ने निर्णय गरेको जनाएको छ।

विज्ञप्तिमा भनिएको छ, “जनताको माग तत्काल पूरा नभएसम्म वडा कार्यालय बन्द रहनेछ । आवश्यकता परे वडा अध्यक्ष र वडा सदस्यहरुले समेत संयुक्त रुपमा राजीनामा दिनेछन्।” उक्त विज्ञप्तिमा वडा अध्यक्ष हिरा प्रसाद बुढा मगरको हस्ताक्षर रहेको छ ।