Rms

Jmg

mbd

Rgs

apb

tvs

काठमाडौं । प्रधानमन्त्री केपी शर्मा ओली समुहले दाहाल र नेपाल समुहको विरोधसभाको जवाफ स्वरुप शुक्रबार काठमाडौंमा आफ्नो बृहत आमसभा गर्दैछ । त्यस्तै प्रधानमन्त्री ओलीको तर्फबाट जवाफ स्वरुप आयोजना हुन लागेको आमसभा काठमाडौंको नारायणहिटी दरबार अगाडि सडकमा आयोजना हुँने भएको छ ।

यस्तै आमसभाका लागि दरबार अगाडिको सडक खालि गरिएको छ भने जनसभामा तीन लाख बढी मानिसहरु उर्ताने आयोजकले बताएको छ । त्यसैगरी ओली समुहले माघ २१ गते काठमाडौंमा बाइक र्‍याली निकालेको थियो ।

त्यस्तै ओली समूहको यो आमसभामा बाग्मती प्रदेशका सबै जिल्लाका कार्यकर्ताहहरुको सहभागीता हुने आयोजकको दाबी रहेको छ । ओली समूहले दरवारको अगाडि कार्यक्रम गराउनुलाई अनेक तर्क गरिएको छ ।

यस्तै पछिल्लो समय प्रधानमन्त्री ओलीको क्रियाकलाप राजासँग मिल्दो हुनु र नारायण हिटी दरवार अगाडि नै कार्यक्रमको आयोजना गर्नु आफैँमा अशोभनीय भएको दाहाल र नेपाल समूहका नेताहरुको भनाइ छ ।

त्यस्तै दाहाल र नेपाल समूहका नेता सुरेन्द्र पाण्डेले एक कार्यक्रममा बोल्दै ओली राजावादीहरुको भीडमा बसेको आरोप लगाउनु भएको थियो । उहाँले ओलीले २३ गते नेपाललाई हिन्दु राष्ट्र घोषणा गर्ने हल्ला आएको समेत बताउनु भएको थियो ।

यसैगरी यता नेकपाको ओली समूहले आज हुने जनसभाको तयारी स्वरुप काठमाडौँमा मार्चपास गरेको छ भने राष्ट्रिय युवा संघ नेपाल,अखिल नेपाल स्वतन्त्र विद्यार्थी युनियन,खेलकुद महासंघ, सम्पर्क मञ्चका समन्वय कमिटी र मदन भण्डारी स्पोर्टस् क्लवका युवाहरुले प्रदर्शनी मार्गबाट पुतलीसडक हुँदै कमलादीसम्म मार्चपास गरेका हुन् ।