दाङ । तुलसीपुरमा प्रतिबन्धित ट्रामाडोल सहित एक महिलालाई प्रहरीले पक्राउ गरेको छ । पक्राउ पर्नेमा तुलसीपुर उपमहानगरपालिका वडा नम्बर –८ निवासी ५३ वर्षीय (आन्टि नामले चिनिने) तीलकुमारी विश्वकर्मा रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक पकाश थापाले जानकारी दिए ।

उनका अनुसार तुलसीपुर–८ को दुधेनामा संकास्पद रुपमा हिडिरहेको भन्ने गोप्य सूचनाको आधारमा इप्रका तुलसीपुरबाट खटिएको प्रहरी टोलीले ११ गते आइतबार दिउँसो २ः४० बजे पक्राउ गरेको हो । उनले बोकेको ब्यागमा ५० ग्रामका ३५ पत्तामा ३५० ट्याब्लेट ट्रामाडोल हाइड्रोक्लोराइड फेला परेपछी उनको घरर्मै गएर खानतलासी गर्दा लुकाइछिपाइ राखिएको अवस्थामा ५० ग्रामका २३४ पत्तामा दुइ हजार ३४० ट्याब्लेट ट्रामाडोल पनि बरामद गरेको प्रहरी निरीक्षक थापाले बताए ।

त्यस्तै पक्राउ परेकी विश्वकर्मालाई इलाका प्रहरी कार्यालय तुलसीपुरको हिरासतमा राखी थप अनुसन्धान भइरहेको प्रहरीले जनाएको छ ।