Shivsabari

Lnp-8

Lnp1

Ggp2

Ggp1

Lnp5

Lnp3

Lnp9

Ggp5

Ggp3

Ggp4

Ggp6

Lnp2

सुर्खेत । सल्यानको सिनबाङमा मिनी ट्रक दुर्घटना हुँदा तीन जनाको मृत्यु भएको छ । मृत्यु हुनेमा कपुकोट गाउँपालिका–६, की १३ वर्षीय सृजना बस्नेत र अन्य दुई जना रहेका छन् ।

सृजनालाई कपुरकोट स्वास्थ्य चौकीमा मृत घोषणा गरिएको छ भने अन्य दुई जनाको पहिचान खुल्न बाँकी छ । सोमबार अपराह्न कपुरकोट गाउँपालिका –६, सिनबाङको दुबेदेबाट धान र पराल बोकेर छाप्नेटातर्फ जाँदै गरेको रा१ख २४०२ नम्बरको मिटी ट्रक सडकबाट १५० मिटर तल खसेको जिल्ला प्रहरी कार्यालय सल्यानका प्रहरी प्रमुख, प्रहरी नायव उपरीक्षक केशर कुमार न्यौपानेले बताए ।

त्यस्तै उनका अनुसार गाडीमा १२ जना सवार रहेका थिए । दुर्घटनामा ८ जना घाइते भएका छन् । उनीहरूमध्ये केहीलाई जिल्ला अस्पताल सल्यान र केहीलाई राप्ती प्रादेशिक अस्पताल तुल्सिपुर लगिएको उनले बताए ।