दाङ । देउखुरीको लमही नगरपालिका वडा नम्बर ६, देउपुर स्थित देउखुरी पब्लिक स्कूलमा तेक्वान्दो ग्रेडिङ कार्यक्रम भव्यताका साथ सम्पन्न भएको छ ।स्कुलका खेलकुद प्रमुख तिर्थराज पाण्डेको अध्यक्षता र दाङ तेक्वान्दो संघका अध्यक्ष बिष्णु अधिकारीको प्रमुख आतिथ्यतामा सम्पन्न भएको कार्यक्रममा राष्ट्रिय रेफ्री तथा ग्रेडिङ प्रशिक्षकद्वय जग बहादुर नेपाली र यशोदा नेपालीको उपस्थितिमा ग्रेडिङ कार्यक्रम सम्पन्न भएको हो ।त्यस्तै नेपाल तेक्वान्दो संघको वार्षिक कार्यक्रम अन्तर्गत,देउखुरी पब्लिक स्कूल तेक्वान्दो डोजाङमा सेतो पेटीको ग्रेडिङ सम्पन्न भएको हो । यस ग्रेडिङ अन्तर्गत २५ जना खेलाडीहरूले डबल प्रमोसन प्राप्त गर्दै हाफ ग्रिन पेटी हासिल गर्न सफल भएकाे हुन् ।हाल स्कूलमा बिहान र बेलुकी गरी दुई सत्रमा तेक्वान्दो कक्षा संचालित हुँदै आएको छ । जसमा प्रशिक्षक तिर्थराज पाण्डेले नियमित रूपमा तालिम दिएका छन् । कार्यक्रममा खेलाडी विद्यार्थी,शिक्षक लागायतका उत्साहजनक उपस्थिति रहेको उक्त कार्यक्रमको सहजीकरण स्कुलका शिक्षक सन्दिप खनालले गरेका थिए ।