दाङ । तुलसीपुरमा अटो दर्घटना हुँदा ५ जना घाइते भइएका छन् । प्रहरीका अनुसार अटो चालक तुलसीपुर उपमहानगरपालिका वडा नम्बर १७ का २२ वर्षीय भुपेन्द्र वलीको बायाँ खुट्टामा चोट लागेको छ ।

घाइते हुनेहरुमा तुलसीपुर-७ का २९ वर्षीय शंकर खड्का, तुलसीपुर- १९ का ४१ वर्षका बुद्धिकला वली,रोल्पा रुन्टिगढि-४ का ३३ वर्षीया सीता पुन र उनको छोरी १२ वर्षीया लक्ष्मी पुन रहेको ईलाका प्रहरी कार्यालय तुलसीपुरले जनाएको छ ।

घाइतेहरुको अबस्था सामान्य रहेको र सबैजनाको राप्ती प्रादेशिक अस्पताल तुलसीपुरमा उपचार भइको रहेको ईलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।

तुलसीपुरबाट बिजौरी तर्फ जादै गरेको रा १ ह ७३४७ नम्बरको अटो आज दिउँसो साढे १ बजेतिरको समयमा तुलसीपुर- ६ हात्तिखौवाको ओरालोमा दुर्घटना भएको थियोे । अटोमा ५ जना सवार रहेका थिए भने घटनाको विषयमा थप अनुसन्धान भइरहेको प्रहरीले जनाएको छ ।