दाङ। घोराही उपमहानगरपािलका वडा नं १५ मा रहेको गुरुकुल एकेडेमी विद्यालयका विद्यार्थीहरुले प्रयोगात्मक रुपमा घोराही बजारको विभिन्न चोक चोकमा छुट्टा छुट्टै ब्यबसाय गरेका छन ।

सैद्धान्तिक शिक्षा मात्र नभएर व्यवहारिक शिक्षाको पनि अनुभव गराउन विद्यालयले विद्यार्थीहरुलाई ब्यबसायमा खटाएको हो । गुरुकुल एकेडेमी घोराहीका विद्यार्थी विभिन्न चोकमा ब्यापार गर्न ब्यस्त थिए । कुनै चोकमा पानीपुरी,कुनैमा मकै ,कुनैमा खरबुजा,कुनैमा लस्सीको ब्यापार गरेको देख्न सकिन्थ्यो । कसैले ग्राहक बोलाउन ब्यस्त थिए त कसैले हिसाव गरिरहेका थिए ।

त्यो कुनै बास्तविक ब्यबसाय नभएर घोराहीमा रहेको गुरुकुल एकेडेमीले पढाईसंगै व्यवहारिक शिक्षा दिने गरी प्रयोगात्मक कक्षाको ब्यबसाय थियो । २०७२ सालबाट संचालनमा आएको गुरुकुल एकेडेमीले सुरुवातिबाट नै आफ्नो विद्यार्थीहरुलाई यस्ता अतिरीक्त क्रियाकलापमा सहभागि गराउदै आएको छ । शिक्षामा पढाईले मात्र बास्तविक जिवनमा भोगिने कुराहरुलाई नसिकाउने भएकाले प्रयोगात्मक रुपमा यस्ता काम गरि व्यवहारमा उतार्ने उद्धेश्यका साथ बजारका विभिन्न ७ वटा चोकमा विभिन्न ब्यबसाय गरिएको विद्यार्थीहरुले बताएका छन ।

कक्षा ११ ब्यबस्थापन संकायमा अध्यनरत विद्यार्थीहरु यो कृयाकलापमा सहभागि भएका थिए । विद्यार्थीले आफ्नै लगानिमा यो ब्यबसाय संचालन गरेका हुन । जसबाट फाइदा आएको रकम कुनै सामाजिक कार्यमा लगाउने कक्षा ११मा अध्ययनरत छात्रा बिनिता थापाले बताइन । गुरुकुल एकेडेमीका विद्यार्थीहरुले उत्पादन गरेका विभिन्न प्रकारका खानेकुराहरु ग्राहकहरुले पनि उतिकै मन पराएका छन । विद्यार्थीहरुले बनाएको खाने कुरा खादै ग्राहक नेव बहादुर केसीले विद्यार्थीहरुको कामको प्रशंसा समेत गरेका थिए ।

गुरुकुल एकेडेमीमा अध्यनरत विद्यार्थीहरुको यो कृयाकलाप प्रति अभिभावकहरु पनि निकै उत्साहित हुदै आगामी दिनमा पनि यस्ता कृयाकलापलाई निरन्तरता दिनुपर्ने अभिभावक किरण रेग्मीले बताए । विद्यार्थीको यो ब्यबसाय गर्ने कला र उनिहरुको काम प्रति विद्यालय पनि निकै खुसि भएको छ ।

शिक्षासंगै व्यवहारिक ज्ञान प्रदान गर्ने यो प्रयोगात्मक कक्षामा आफुहरु सफल भएको र जुन उद्धेश्य लिएर काम गरिएको थियो त्यो पुरा भएको विद्यालयका शिक्षक तथा प्लस टु विज्ञान संयोजक अवय शाहले बताए । पढाईपछि भबिष्यमा सबै विद्यार्थीहरु केहि न केहि पेशामा लाग्ने भएको हुँदा र कुनै विद्यार्थीहरु ब्यापारमा पनि लाग्ने भएको हुँदा ब्यापारमा नाफा घाटा कसरी हुन्छ र लगानि कसरी गर्ने र कसरी सफलता प्राप्त गर्ने भन्ने कुरालाई प्रतक्ष्य रुपमा जानकारी मिलोस भनेर शुक्रबार यो ब्यबसायको प्रयोगात्मक शिक्षा दिइएको विद्यालयका अध्यक्ष ई. अनन्तराज घिमिरेले बताए ।

सैद्धान्तिक शिक्षासंगै व्यवहारिक शिक्षाको आबश्यकता रहेको भन्दै आगामी दिनमा पनि यस्ता कृयाकलापलाई निरन्तरता दिने उनको भनाई छ । विद्यार्थीहरुले पनि यो कार्यबाट निकै अनुभव बटुलेका छन । विद्यालयका शिक्षकहरु विबेक देबकोटा,भुगोल कवर मगर ,अजय शाह,राजन अधिकारी र विद्यालयका प्रधानाध्यापक डा. कृष्णराज डिसी लगायतको निगरानिमा कार्यक्रम सम्पन्न भएको थियो ।