दाङ । लमहीको अन्तर्राष्ट्रिय क्रिकेट खेल मैदानलाई चलायमान बनाउन खेलकुद मन्त्री बिराज भक्तले चासो व्यक्त गरेका छन् ।
लमही स्थित देउखुरी अन्तर्राष्ट्रिय क्रिकेट खेल मैदानलाई चलायमान बनाउने विषयमा क्रिकेट प्रेमी तथा लमहीका युवा व्यवसायी सुदीप पान्डेयले नेपाल सरकारका युवा तथा खेल्कुद मन्त्री बिराज भक्तसंग बिहीबार मन्त्रालयमा पुगेर भेटघाट गरेका हुन् ।भेटघाट तथा अन्तरक्रियामा पाण्डेयले देउखुरी अन्तर्राष्ट्रिय क्रिकेट खेलमैदानको बारेमा मन्त्री भक्तलाई ध्यानाकर्षण गराएका थिए । छलफल पस्च्यात मन्त्री भक्तले राज्यले उक्त खेलमैदानलाई गम्भिर रुपले हेर्ने र स्थानीय तह तथा क्यानलाई शिघ्र पत्राचार गरेर सहकार्य गर्ने प्रतिबद्धता व्यक्त गरेको पाण्डेयले जानकारी दिए ।