काठमाडौँ । प्युठानका भेलुबाजे भनेर चिनिने हास्य कलाकार मिन बहादुर बुढा मगरको मृत्यु भएको छ । बुढा मगरको बिहीबार अस्पतालमा उपचारको क्रममा मृत्यु भएको हो ।
जिल्ला अस्पताल बिजुवार प्युठानमा उनको मृत्यु भएको अस्पतालकी मेडिकल सुपरिटेन्डेन्ट डा. प्रमिला खनालले बताइन् ।
त्यस्तै उनी सामाजिक सञ्जाल युट्युब र टिकटकमा फरक शैलीका कारण धेरै दर्शकद्वारा रुचाइएका व्यक्ति थिए । प्युठान नगरपालिका – ५ जुम्रीकाँडा घर भएका भेलु बाजेले एक वर्ष अगाडि आफ्नो पत्नी गुमाएका थिए । पछिल्लो समय उनले सिरियलहरुमा पनि काम गर्दै आएका थिए ।