पाल्पा । पाल्पाबाट एक नाल अवैध भरुवा बन्दुक सहित ४ जना पक्राउ परेका छन् ।
सोमबार बेलुका करिब ८ बजेतिर रैनादेवी छहरा गाउँपालिका वडा नम्बर ७ पहेलाघाटबाट एक नाल अवैध भरुवा बन्दुकसहित चार जनालाई पक्राउ गरेको जिल्ला प्रहरी कार्यालय पाल्पाका प्रहरी नायव उपरीक्षक तथा सूचना अधिकारी सुगन्ध श्रेष्ठले जानकारी दिए ।
त्यस्तै पक्राउ पर्नेमा रैनादेवी छहरा गाउँपालिका ८ इटिया बस्ने ५६ वर्षिय विनोद थापा, रुपन्देही सैनामैना नगरपालिका ५ बस्ने ३१ वर्षिय सन्तोष राना र सोही नगरपालिका वडा नं. १० बस्ने ४१ वर्षिय सुकई थारु रहेका छन् । प्रहरीले उनीहरुलाई शंकास्पद अवस्थामा बाटोमा हिडिरहेको बेला चेकजाँच गर्दा सुकई थारुको साथबाट भरुवा बन्दुकमा लाग्ने छर्रा र बारुद बरामद गरेको छ ।
उनीहरुलाई प्रहरीले नियन्त्रणमा लिई सोधपुछ गर्दा रैनादेवी छहरा गाउँपालिका ७ धावा बस्ने २४ वर्षिय बुद्ध बहादुर भन्ने रमेश कुमालको घरमा बन्दुक लुकाएर राखेको भन्ने प्रहरीलाई बयान दिएपछि उनलाई पनि पक्राउ गरिएको प्रहरीले जनाएको छ ।
यस्तै चारै जनालाई नियन्त्रणमा लिएर थप अनुसन्धान थालेको प्रहरीले बताएको छ ।