दाङ । प्रधानमन्त्री कप लुम्बिनी प्रदेश स्तरीय महिला टी–२० छनोट क्रिकेट प्रतियोगिताको उपाधी दाङले जितेको छ ।
घोराही उपमहानगरपालिका वडा नम्बर १७ स्थित गुलरिया क्रिकेट मैदानमा सोमबारदेखि सुरु प्रतियोगितामा आज भएको फाइनल खेलमा रुपन्देहीलाई ७ विकेटले पराजित गर्दै दाङले उपाधी चुम्न सफल भएको हो ।
टस जितेर सुरुवाती ब्याटिङ गरेको रुपन्देहीले १९ ओभरमा सबै विकेट गुमाउदै ७८ रन बनाएको थियो । ७९ रनको लक्ष्य पाएको दाङले ११ प्वइन्ट २ ओभर खेल्दै ३ विकेटको क्षतीमा लक्ष्य भेट्टाएको थियो । प्रतियोगिताका विजेता र उपविजेता टिमलाई सिल्ड तथा प्रमाण पत्र प्रदान गरिएको थियो ।
लुम्बिनी प्रदेशका ६ टिमको सहभागिता रहेको छनौट प्रतियोगितामा दाङ र रुपन्देही फाइनलमा पुगेका थिए । छनौट प्रतियोगितामा सहभागि ६ टिमबाट उत्कृष्ट खेल प्रदर्शन गर्ने खेलाडीबाट प्रधानमन्त्री कपका लागि लुम्बिनी प्रदेश स्तरीय महिला टिम छनौट गरिने क्रिकेट संघ लुम्बिनी प्रदेशका सचिव कैलाश रोका मगरले जानकारी दिनु भयो ।