दाङ । १६ औं गणतन्त्र दिवसको अवसरमा आगामी जेठ १५ गते सिसहनियामा ब्याडमिन्टन प्रतियोगिता हुने भएको छ ।
युग सिसहनियाको आयोजना र मुक्तिनाथ विकास बैकको प्रायोजन रहेको ब्याडमिन्टन प्रतियोगितामा शुभदपर्ण ब्याडमिन्टन क्लवका १० खेलाडिले सहभागिता जनाउने युग सिसहनियाका सचिव विक्रान्त ज्ञवालीले जानकारी दिनु भयो ।
त्यस्तै लागुपदार्थ त्यागौ खेलकुदमा लागौ,स्वास्थ्यको लागि खेलकुद राष्ट्रको लागि खेलकुद भन्ने मुल नाराका साथ गणतन्त्र दिवसको अवसर पारेर प्रतियोगिताको आयोजना गरिएको हो । स्थानिय खेलाडिहरुको खेल प्रतिको सक्रियतालाई बढावा दिन सामाजिक उत्तरदायित्वको आधारमा प्रतियोगिता सञ्चालनमा सहयोग गरिएको मुक्तिनाथ विकास बैंक सिसहनिया शाखाका प्रमुख दिपक कुमार पाण्डेले बताउनु भयो ।
शुभ दपर्ण एकेडेमीको खेल मैदानमा सञ्चालन गरिने ब्याडमिन्टन प्रतियोगिताका विजयीहरुलाई नगद, शिल्ड, प्रमाणपत्र तथा ड्रेश सेटको पुरस्कार प्रदान गरिने युग सिसहनियाका कोषाध्यक्ष भागवत ज्ञवालीले बताउनु भएको छ । सिसहनिया उद्योग बाणिज्य संघका अध्यक्ष पुर्ण बहादुर बुढाथोकीले उद्घाटन गर्नुहुने प्रतियोगिता युग सिसहनियाका अध्यक्ष किशोर कुमार शर्मा रेग्मीको अध्यक्षतामा हुने भएको छ ।